کولت آذ. واقیف صمد اوغلو-نون شعرینی تقدیم ائدیر:

یوخو اییی گلیر
هر یاندان یئنه.
يورغان- دؤشك آختارير بولودلار
يئر اوزونه باخا-باخا.
يوللار، كوچه لر موم کیمی یومشاق
قارشیمداکی یوللارین گؤزلري قاپانیر...
آرابالار كئچیر
ائوين قاباغيندان،
يوخولارلا يوكلنميش اؤكوز آرابالاري
و لاى لاى چیریلداییر
آرابا تكرلري...

يوخ، اوندان سن دئيه ن بير خبريم
يوخدور، يوخ...
دئييرلر بير دفعه، هانسي سا يولدا
كؤلگه سینه باخا-باخا گئدنده،
آغلاييب بيردن.
بيرده،
گئجه ياتاندا
يوخودا آغاجدان آسيلميش قاغايي گؤروب.
بير -ايكي اومود ده ييشيب،
بئش-اون ايش يئري.
اول كي تك دولانير، هئچ ده ییشمه ییب.
دانیشاندا سسی چیخمیر،
سوساندا قریبه شئعيرلر دئيير..