ابراهیم یزدی تیمی نین مصره گئدیب نظامی دؤره کئچیرمه سی اؤز دیلیندن.

کولت آذ گونئی‌لی یازار ایشیق سؤنمزین یازیسینی تقدیم ائدیر:

"مهندس محمد توسلی تهراندان اؤیرنجیلر تشکیلاتی نین نماینده سی اولاراق ایسویچده قورولموش کونفئدراسیونون ایکینجی قورولتایا قاتیلمیش. بونلار انجمن ایسلامی محفلینه باغلی ساییلاردی. بیز ایسه بوتونلوکله کونفئدراسیون و جبهه ملی تشکیلاتینا باغلی ساییلاردیق. بیر محرمانه سفر اوچون مصره گئتدیک. ... مصرلر ایله دانیشدیق مصره گئتمه میزی قبول ائتدیک. ... واشینقتونداکی مصر سفارتینده کی مسئول ...

بیزی ایسویچده کی مصر سفیرلیگینه تانیش ائتدی. بیز اونلار ایله یازیشدیق. مصر مقاملاری بیزی مصره گئتمگه قبول ائتدیلر. اونلار بیزی "نهضت آزادی" آدی ایله قبول ائتدیلر. مصره گئتمک اوچون معرفینامه و لازیملی مدرکلری، او جومله-دن طالقانی ایله و باشقالاری ایله ایلیشگی و رابیطه میز اولدوغونا داییر کاغاذ وئردیک. بونلارین هامیسی قاباقجا حاضیرلانمیش ایدی. بیزدن اؤنجه ده باشقالاری بو ایشه قول چکمیش، آنجاق باشارمامیشلاردی. جلال الدین فارسی گئتمیش، اونا اوز وئرمه میشدیلر. علی شریفیان دا گئتمیش، باشارمامیش ایدی. مصر مقاملاری بونلارین شخص اولدوقلارینی بیلمیشدیلر. علی شریفیان دا بیزیم تیم ایله گلدی. علی شریعتی، صادق قطب زاده و پرویز امین .... بیر تیم اولدوق و مصره گئتدیک. مصر مقاملاری بیزیم بعضی ایشلر گؤردوگوموزدن خبرلری وار ایدی.. تشکیلاتیمیز گیزلی اولدوغو اوچون هر بیریمیزین نئچه آدی و مختلیف گذرنامه سی وار ایدی. منیم گذرنامم مصری ایدی. بعضی گذرنامه لری بیز اؤزوموز دوزتمیش ایدیک. مصرده اولارکن بیرکسین فارسچا یازیشماق قصدی و نیتی یوخ ایدی. بیزه ایراندان گلن مکتوبلار فرانکفورتدا یاشایان بیر مسئولا گئدیردی. او اورادان مکتوبلاری دیپلوماتیک پوست ایله قاهره یه گؤندریردی. بیز اورادا اولدوغوموز مدتده ساواکین هئچ بیر خبری اولمادی. بیز یئر آلتی و گیزلی تشکیلات یاراتمیش ایدیک. عملیاتیمیزین دا گیزلی و مستعار آدی وار ایدی. یازیشمالاردا ایران، جبهه ملی، مصر کلمه لری یازیلمازدی. من بونلاری چمران آدلی 120 صحیفه لیک کتابیمدا یازمیشام.

بونلارین هامیسی مستعار آد آلتیندا اولموش. بیر جدول بیچیمینده یازمیشام و آدلاری ایضاح ائتمیشم. بیز چوخ مطالعه ائتدیکدن سونرا بیر نظره چاتدیق؛ او دا بو: -ایچریده گیزلی و مخفی موباریزه نین اوصولوندان خبریمیزین اولمادیغیدیر. اؤیرنیم گؤرمدیگیمیز و پولیس گوجلری ایله نئجه یاناشمانی بیلمدیگیمیز اوچون موباریزه ائتدیکده ساواک بیزه مسلط ساییلاردی. چمران ایله من اول بو اؤیرنیمی "گیزلی رابیطه قورماغی" اؤیرندیک. او زمانا دک هئچ نه بیلمیردیک (اؤرنک اولاراق: 1340 اینجی ایل شمس الدین امیر علایی نین ائوینده کاظمی و سالک ییغینجاقلاری وار ایمیش. دانیشیرمیشلار/ ساواک اداره سی نین رئیسی کاظمی بگه تلفون آچمیش، دئمی: - کاظمی بگ، بو توتولموش تصمیمین یانلیش! بو خبری کیم ساواکا وئرمیش دئیه بو انسانلار بیر بیرلرینه شک ائدیرمیش. بیزیم ده بیلگیمیز یوخ ایدی. مصرده اؤیرندیک و سونرا ماسا آلتیندا بیر میکروفون ایله بو سسلرین آلیندیغینی باشا دوشدوک. بئله لیکله "رمزی یازماق، گیزلی عکس چکمک، گیزلی ایلیشگی قورماق ... بونلارین هامیسینی اؤیرندیک. مصرلرین بیزه وئردیکلری یازی جزوه لرینی بیرلشدیره رک بیر درگی حالینا گتیردیک و مجاهدلر اوچون گؤندردیک. مجاهدلر بیرینجی "امن ائو"لرینی نارمکده قوردولار. بیز بونلارین هامیسینی (گیزلی فعالیت، گیزلی ایلیشگی قورماق، نظامی عملیات، پارتلاییجی مواد ایله ایشلمگی، اسلحه ایله ایشلمگی، رمز یازمانی ...) مصرده القاص ساخلاو و پادگانیندا اؤیرندیک. او زامانلار مجاهیدلر عملیاتا باشلامامیشدیلار. 1349 اونجو ایل بیریجی پولیس ایله قارشی دورما باشلادی. 1350 اینجی ایلدن خمینی ایله دوزنلی ایلیشگیمیزی آرتیردیق. ... تشکیلاتین توتدوغو تصمیمه اساسا اوچ نفر: من، چمران و قطب زاده (چوخ بیلگی و اطلاعاتیمیز اولدوغو اوچون) ایرانا گئتمک حاقی یوخ ایدی. .."(1).

1) قانیاق: قانعی فرد، گفتگوی عرفان قانعی فرد با با دکتر ابراهيم يزدی ، دبير کل نهضت آزادی ايران – بخش دوم تدارک مبارزه مسلحانه عليه حکومت شاه!،