کولت. آذ صیاد نعمت‌پور-ون" سئوگی" آدلی شعرینی تقدیم ائدیر:

سئوگی باخ‌دیر
سئوگی ماق‌دیر
سئوگی باخماق ایستر
سئوگی گؤرمک‌دیر
سئوگی قارا‌دیر
سئوگی باخت‌دیر
‌سئوگی قاراباخت‌دیر
سئوگی قارادیر
سئوگی باغ‌دیر
سئوگی قاراباغ‌دیر
سئوگی سون‌دور
سوزدور
سئوگی سونسوزدور

بو باغ‌دا بیر دان اولدوزو جوجرمیشدیر
گونشی تکثیر ائده‌ر دورماقسیزین
بیر خبر باشلیغی‌دیر گؤزلرین
اوره‌ک دؤیونتوسودور
دورار،
وورار،
وور... دو... رار...

سئوگی وار ایدی هاااااا،
سئوگی!

کوله‌یه‌می دوشدون به قیز؟!
قیزیل گولله‌یه‌می گلدین؟!
اوجا-اوجا داغ‌لاردا
دولومی، کولک‌می ووردو؟!
او سونبول ساریسی ساچلارین
واغانا‌می گئتدی به قیز؟!
دده‌م قورقودون دوعاسین
ائشیتمه‌دین‌می به قیز؟!..

سئوگی‌دن‌می دئییردیم،
هه!..
سئوگی عاجیلی‌ یاردیم ماشینی‌دیر،
سئوگی ایضطراریدیر
سئوگی اورژانسی‌دیر
سئوگی ساغالاجاق
سئوگی ساغالداجاق
"آسئنا"یا گره‌کدیر سئوگی
"صیاد"ی سئوگی خیلاص ائده‌جک!...