کولت آذ گونئی‌لی شاعر و یازار مهسا عبدلعلیزاده‌نین یازیسینی تقدیم ائدیر:

غادة-السمان، 1942 م. دمشق شهرین ده آنادان اولدو. آتاسی دوقتور #احمد_السمان، دمشق شهری نین بیلیم یوردونون باش ناظیری و دؤرد ایل لیک سوریه نین آموزش وزیر لییینه سئچیلیب. سوریه نین باشقا آدلیم شاعیری، #نزار_قبانی ایله قوهوم چولوق لاری وار.
غادة ایلک یازی لارین، آتاسی نین نظارتی ایله، گنج چاغلاریندا چاپا یئتیردی. آتاسی، حیات یولداشین ایتیردیک ده، غادة دن چوخلو حمایت ائدیردی بلکه آناسیزلیق غمین حیس ائتمه یه.

دوقتور احمد السمان، اقتصاد رشته-سینده دوقتورا مدرکین، فرانسه نین سوربون کالئج'یندن اخذ ائتدی-یینه گؤره، عرب ادبیاتیندان باشقا، غرب ادبیاتینا دا باغلیلیغی وار ایدی و غادة ده، آتاسی ایله بیرلیک ده، بو چرچیوه و پرسپئکتیوله، اؤز اثرلرینده بو ایکی گوجلو ادبیاتیندان، اؤزونه عایید سبک یارالتدی. نئجه کی عرب ادبیاتیندا، غادة السمانی یئنی شعرین بنیان گذاری تانیییرلار.

1969-نجی ایل ده، دوقتور بشیر الداعوق له ازدواج ائتدی. دوقتور الداعوق #دارالطلیعه قزئته سی نین ناشری ایدی. بو ازدواجین مئیوه سی، - حازم - آدلی بیر کیشی دیر کی دوقتورا سطحینده تحصیله مشغول دور. (حازم آدین، شام غریبان کتابی نین کاراکتئرلری نین بیریندن آلیب)

غادة نین اؤز دئدی-یینه، ائولنمک لری دوز دئییلمیش، نییه کی بشیر، الداعوق نسلی و عایله سیندن ایدی کی سوریه ده، آدلیم و سنتی بیر عایله تانینیر و بشیرین اؤز دئدییینه، #بعثی گرایش لری وار، نهایت ده 2007-نجی ایل ده، بشیر الداعوق وفات ائتدی.

آنجاق غادة، یالقیز و آزاده بیر انسان ایدی. نهایت ده، اونلارین ائولیلیک لری آردیمجیل اولدو و پوزولمادی.

غادة، دمشق بیلیم یوردوندان، انگیلیستان ادبیاتی رشته-سینده، لیسانس مدرکین اخذ ائتدی. سونرا بیروت اؤلکه سیندن، آمئریکالی بیر کالئج دن، یوکسک لیسانسین اخذ ائتدی و پی اچ دی مدرکین، لندن دن اخذ ائتدی.

بیر دؤوره، دمشق بیلیم یوردوندا، ایشه مشغول اولوب، سونرالار قزئته چیلیک حرفه سین سئچیب و قلم وورماغا اوز گتیردی. ایندی ده بیر حرفه ای قزئته چی دیر... هله ده کی وار، الحوادث قزئته سینده، "آزادلیق آنلاری" ستونوندا، قلم وورماغا مشغول دور.

1962-نجی ایلینده، بیرینجی داستانین، "عیناک قدری"‌ آدیندا نشر ائتدی. شؤهرته چاتماغی ائله بو کتاب لا اولدو. بو کتابین نشریندن سونرا، غادة فئمئنیست یازارلارین جرگه سینه (کولیت خوری و لیلی بعلبکیقرار) قوشولدو. آنجاق باشقا کتاب لاری چاپا گئتدیک دن سونرا فئمئنیسم محدوده سیندن چیخیب و بیر وسعت لی دونیایا قدم قویدو، یعنی انسان-سئورلیک دونیاسی.
1965-نجی ایل ده، "بئیروت دا بیر دنیز یوخ" آدلی اثرین چاپا وئردی.

بو چاپ دان سونرا، خبرنگار عنوانین دا آوروپایا سفر ائتدی. اؤز دئدییینه گؤره، بو سفرلرین، ادبی مفکوره لرینده چوخلو ائتکی لری اولوب. لیل الغربا (شام غریبان) اثرین 1966 -نجی ایل ده چاپا یئتیردی. دئمک اولارکی بو اثر، غادة-السمانین شاه اثری ساییلیر.
چوخلو گوجلو منتقد لر، اؤزللیک له محمود امین العالم بو اثر دن تعریف و تمجید ائتدیلر.

1967 -نجی ایل، ژوئن آیی نین آلتی گونلوک ساواشی، غادة ده چوخلو تاثیر و ائتکی لری اولوب. بو ائتکی لری، آدلیم مقاله سی (اوتانقاجلیغیمی لندنه آپاریرام) دا گؤروروک. بو قانلی اولای دان سونرا، آلتی ایل، هئچ کتاب چاپا وئرمه دی، آنجاق چوخلو مقاله لر یازیب و جامعه سی نین گئرچک لرین تصویره چکیب و بو اوزدن چوخلو محبوبیت قازاندی.

بیرینجی رومانی، 1974-نجی ایل، بئیروت 75 آدیندا چاپا گئتدی. بو رومان دا بئیروت شهری نین و کلا لبنان اؤلکه سی نین چوخلو اجتماعی آفت لرینه ال قویوب و اونلاری عالی درجه ده تصویره چکیب. بو رومانین ایلک سطیرلری بؤیله باشلانیر:
(قان گؤرورم... چوخلو قانلار گؤرورم...)

نئچه آی سونرا، لبنان ین داخلی ساواش لاری باشلاندی...!!

سونرا لار (بئروت'ون کابوس لاری) و (میلیاردی بیر گئجه) رومانلارین چاپا وئردی. منتقد لر، بو اثرلردن سونرا، منتقد و نقاد لار، غادة السمانی، عرب اؤلکه سی نین، داهی یازارلاریندان یاد ائتدیلر و چوخلاری حتی *نجیب محفوظ* دان دا اؤنملی بیلدیلر.

1977-نجی ایل، غاده السمان انتشاراتین داییر ائتدی و اورادا تکجه اؤز اثرلرین چاپا یئتیریر.
غادة، بعضی اثرلرین، سوئیس اؤلکه سی نین دیتا بانکاسیندا ذخیره ائدیب و قول وئریب دیر کی، یاخین فرصت لرده اونلاری چاپا یئتیره جک. ائشیتدیک لریمیزه، بو اثرلر، فلسطین اؤلکه سینین، 1960 اون ایل لییینین، یازارلارینا عایید دیر، *ناصرالدین نشاشیبی* کیمی لر یا *کمال ناصر* کیمی داهی انسان لارغادة-السمان، 77 یاشیندا، سوریه اؤلکه سینده، اوغلو حازم له بیر ائوده یاشاییرلار، محبت اوجاقلاری یانار اولسونقایناق: *معشوق مجازی* کتابی نین، مقدمه سی، نشر چشمه، عبدالحسین فرزاد قلمی ایله و *رگ به رگ عشق* کتابی علی زمانی