کولت آذ زلیمخان یعقوبون شعرینی اوخوجولارا تقدیم ائدیر:

قوُرلانیب وارلیقیم،اودلانیب ایچیم

سنسیز من هارانی بئینیم سئچیم

اوُرکله دولدوروم،دویونجا ایچیم

قاینار باخیشلارلان،سرین بولاخ وئر

گلمیشم قوینوندا سیغیناجاق وئر

قیش میدان سولادی،آغیر گلدی یاز

کدریم دریندی، سئوینجیم دایاز

کوُموشن الیمی، قیزدیریم بیراز

اوُشوین الیمه،اوُد وئر ، اجاق وئر

گلمیشم قوُینوندا سیغیناجاق وئر

قالماز بیر نسیلده،بیر سوُیدا دونیا

گاه یاسدا گئچینر،گاه تویدا دونیا

نئییمه لازیمدی ، بو بوُیدا دونیا

باشیمی قویماقا،کوُنج وئر ،بوجاق وئر

گلمیشم قوینوندا،سیغیناجاق وئر

سئوگی دیر حیاتدا هر شئی دن باها

سئونلر اوُوزونو توتار آللاها

هئچ نه ایستمیرم دونیادان داها

اوُرک وئر،کونول وئر،دیل وئر،دوداق وئر

گلمیشم قوینوندا ،سیغیناجاق وئر

قوُرلانیب وارلیقیم،اودلانیب ایچیم

کولت آذ زلیمخان یعقوبون شعرینی اوخوجولارا تقدیم ائدیر:

قوُرلانیب وارلیقیم،اودلانیب ایچیم
سنسیز من هارانی بئینیم سئچیم
اوُرکله دولدوروم،دویونجا ایچیم
قاینار باخیشلارلان،سرین بولاخ وئر
گلمیشم قوینوندا سیغیناجاق وئر

قیش میدان سولادی،آغیر گلدی یاز
کدریم دریندی، سئوینجیم دایاز
کوُموشن الیمی، قیزدیریم بیراز
اوُشوین الیمه،اوُد وئر ، اجاق وئر
گلمیشم قوُینوندا سیغیناجاق وئر

قالماز بیر نسیلده،بیر سوُیدا دونیا
گاه یاسدا گئچینر،گاه تویدا دونیا
نئییمه لازیمدی ، بو بوُیدا دونیا
باشیمی قویماقا،کوُنج وئر ،بوجاق وئر
گلمیشم قوینوندا،سیغیناجاق وئر

سئوگی دیر حیاتدا هر شئی دن باها
سئونلر اوُوزونو توتار آللاها
هئچ نه ایستمیرم دونیادان داها
اوُرک وئر،کونول وئر،دیل وئر،دوداق وئر
گلمیشم قوینوندا ،سیغیناجاق وئر