کولت آذ گونئی‌لی شاعر یعقوب نیکزاد-ین شعرینی تقدیم ائدیر:

بوردا بیر قارقا دولانماز داغ اؤلور هاااا، هادیر اول!
دیدیلیر، پارچالانیر، جاغ جاغ اؤلور هااا، هادیر اول!

قویمایین بو قالا دیرناقلانا دانلاق لاریلان!
یعنی تاریخ پوزولور، بایراغ اؤلور هااا، هادیر اول!

بوینو قانداللی، ایاغ کونده لی، دیل باغلی قیفیل
بیر ایگید جیلغی چیخیب دوستاق اولورهااا، هادیر اول!

دئمه یین هانسی خزان دویدو کولک ووردو بونو!
تالانیب بارسیز اؤلور ، چیلپاق اولور هااا، هادیر اول!

گؤزلری قان چاناغی، چیرپینا بیلمیر بو لاچین
آغری سیز و آجی سیز توختاق اؤلور هااا، هادیر اول!

قوللاریندان آسیلی بالتایا اوز وئرمه سه ده
باغری بیر نار کیمی ییرتیق باغ اؤلورهااا، هادیر اول!

ساختاجا چوخدا گوونمه وطنه! هانسی وطن؟
داش سوسور، قوم اریییر، توپراغ اؤلور هاااا، هادیر اول!