بیر نئچه گون اؤنجه آذربایجان رسپوبلیکاسی‌نین پرزیدنتی ایلهام علیئوین سرانجامی ایله ۲۰۱۹-جو ایل آذربایجاندا "نسیمی ایلی" اعلان ائدیلیب. داهی شاعیرین ۶۵۰ یاشی تامام اولور. سرانجاما اساسأ ایل عرضین‌ده عمادالدین نسیمی‌نین حیات و یارادیجیلیغی‌نین احاطه ائدن سیلسیله تدبیرلر کئچیریله‌جک.

آذربایجان یازیچی‌لار بیرلییی‌نین عضوو، گنج شاعیر ائمیل راسیموغلو "نسیمی ایلی" ایله علاقه‌دار اؤز تکلیفینی ایره‌لی سوروب.
آ ی ب عضوو عمادالدین نسیمی‌نین حلب‌ده کی نَعشی‌نین قالیقلاری‌نین اؤلکه‌میزه گتیریلمه‌سی تکلیفینی وئریب:

" بیلدییینیز کیمی عمادالدین نسیمی‌نین ۶۵۰ ایللیک یوبیلیی ایله علاقه‌دار اولاراق اؤلکه رهبری‌نین سرانجامی اساسیندا بو ایل آذربایجاندا "نسیمی ایلی" اعلان ائدیلیب. طبیعی کی، بونونلا باغلی ایل عرضینده اؤلکه‌ده موختلف ادبیات یؤنوملو سیلسیله تدبیرلر، موسابقه‌لر و دیگر بو خاراکترلی توپلانتی‌لار کئچیریله‌جک. آنجاق من بئله حساب ائدیرم کی، بو ایل اوچون ان بؤیوک حادیثه نسیمی‌نین آذربایجان تورپاغیندا مزارینی زیارت اولا بیلر.
محض بو باخیمدان دا تکلیف ائدیرم کی، بو ایل عمادالدین نسیمی‌نین مزاری سوریه دن آذربایجانا کؤچورولسون. بو مسئله‌ده ایلک آددیم ایسه آذربایجان یازیچی‌لار بیرلییی‌نین اؤلکه رهبرلیینه موراجعه‌تینده گؤرورم".