کولت آذ کیان خیاوین شعرینی اوخوجولارا تقدیم ائدیر:

قوجا بیر اووچو کیمی، پاس باسیب توفنگی-میزی،
کور اوغلویوق، ائشیدن یوخدور آمما جنگی-میزی.

مین ایلدی کؤهله-ن آتا بنزیریک بو مئیداندا،
قالایلایان داها یوخ مور یئیه-ن اوزه-نگیمیزی.

و ‌کوسمه یین بیز اگر قالخانی یئره قویساق،
زامان، دؤیوشده بیزیم سیندیریب-دی سونگومیزی.

بو اورمانی قوروماقدان بیزی معاف ائله یین!
یئییب قوتاردی پیشیکلر بیزیم پلنگیمیزی.

افیل- افیل اسیریک باغدا باغری قال لالا تک،
آمان کی دسته-له-ین یوخ بیزیم چلنگیمیزی!

بیزی بیر آستا آهین دا یئلی سووورا بیلر،
بئله کی پلمه-پاییزلار سارالتدی رنگیمیزی.

آه اؤزگه لر گؤلونون تام بالیقلادی بؤجه-یی،
بیزیم سه اؤز چاییمیز بوغدو اؤز نهنگیمیزی.

سینیق اورک-له سوسوز آرزونو نئجه سوواراق
آپاردی سئلله-مه قانلار چینی-سهنگیمیزی.

شئعیر کاغاذلاریمیزدا اویونجاق اولدو تامام،
اوشاق دا سئومه-دی آرتیق بو چرپلنگیمیزی.

چیچک-قیزیلجامیز، ای گول، غزلده چوخدا چیخیب،
بو بوش سؤز ،آه، هله ده وار بوشالدیر انگیمیزی.

شیشیردیبه-ن گؤزه یوخماقلا ایش دوزلمز کی،
اودوزموشوق قاری دوشمانلا بوردا جنگیمیزی.