Kult.az سخاوت کلبجرلینین "ظولمتلری یاراجاق آذربایجان بایراغی" آدلی شعیرینی تقدیم ائدیر:

یولو حاقین یولودو، اوجاقدی او، پیردی او،
اورییمین ابدی سئوینجی او، دردی او.
پنجه‌سینی یالایان بیر یارالی شیردی او،
بیر نره‌سی سیزلره بس ائدرمی آی یاغی-
ظولمتلری یاراجاق آذربایجان بایراغی!

اوریینه اوخ دیر، قانی آخار، سیخیلماز،
گؤیلرده دالغالانار، آسیمان‌دان ییغیلماز.
سیزین کیمی یادلارین قولتوغونا سیغینماز،
اینامی حاق‌دان گلیب، بیر الله‌دی دایاغی-
ظولمتلری یاراجاق آذربایجان بایراغی!

قاریشاجاق هارایین ارشه قالخان توستونه،
دونیا باش ایجکدیر ایگیدلرین بوستونه.
بیر گون کؤلگه سالاجاق باشینیزین اوستونه،
خریطه‌سی قارتال کیمی، شکلی قارتال جایناغی-
ظولمتلری یاراجاق آذربایجان بایراغی!

سخاوت، بو میللتین نئچه-نئچه مردی وار،
شیمشکدن آلوولوسو، قیلینج‌دان دا سرتی وار.
خوجالی تک نیسگی‌لی، آراز بویدا دردی وار،
اوجالدیقجا ائله بیل داغ اوسته قویور داغی -
ظولمتلری یاراجاق آذربایجان بایراغی.

،