آتا عائله‌سینی دولاندیرماق اوچون اؤز چؤریینی قازانان زحمتکئش بیر اینسان ایدی.ایشده‌ن سونرا بوتون گئجه‌نی درسله مشغول اولوردو. چونکی او،گله‌جک‌ده داها یاخشی قازانج‌لی بیر ایش تاپماق ایستییردی. بازار گونلرین‌دن باشقا، آتا عائله‌سی ایله بیرلیک‌ده یئمک یئمه‌یه بئله چوخ آز واختی اولوردو. او،اوخویوردو و ایشلییردی،چونکی او،عائله‌سینی ایستدیکلری شئیی آلا بیله‌جک ایمکانا مالیک اولماقلا تعمین ائتمک ایستییردی.

نه واخت‌سا عائله‌سی اونا اونلارلا کیفایت قدر واخت کئچیرمدیینه گؤره شیکایتلنسی‌دی ،او، هر شئیی اونلار اوچون ائدیر دئیه‌رک فیکیر یورودردی. آنجاق آتا عائله‌سی ایله داها چوخ واخت کئچیره بیلمدیی اوچون کدرله‌نیردی.

ایمتحان نتیجه‌لری آچیق‌لانان گون گلیب چاتدی. خوبخت‌لیکدن،آتا ایمتاحان‌دان کئچمیش‌دی، اؤزو ده فرقله‌نمه ایله. تئزلیکله اونا یاخشی گلیرلی باش رهبر ایشی تکلیف ائدیل‌دی.

خیالی گئرچک اولموشدو. آتانین ایندی عائله‌سینی گؤزل پالتار،دادلی یئمک، خاریج‌ده استراحت کیمی کیچیک لوکس حیاتلا تعمین ائتمه‌یه ایمکانی واردی.

حالبوکی عائله یئنه ده آتانی هفته‌نین چوخ حیصه‌سی گؤرموردو. او،یئنه ده چالیشماغینا داوام ائدیردی،چونکی ایندی او، مودیر وظیفه‌سینه اوجالماق ایستییردی. دوزدور او،بو وظیفه‌نی الده ائتمک اوچون لاییق‌لی نامیزد اولماغا جان آتیردی. او،باشقا بیر اونیورسیتت‌ده ده درس دئییردی.

یئنی‌دن نه واخت‌سا عائله یئنه ده اونا اونلارلا چوخ واخت کئچیرمدیینه گؤره شیکایتلنسی‌دی، آتا هر شئیی اونلار اوچون ائدیر سببینی گؤسترردی. آنجاق او،عائله ایله داها چوخ واخت کئچیرمک ایستییردی.

آتانین اینادلا چالیشماغی سونا چاتدی و وظیفه‌سین‌ده اوجالدی. سئوینجله، او، ائو ایشلریندن آروادینی آزاد ائتمک اوچون بیر خیدمت‌چی ایشه گؤتورمک قرارینا گلدی. همچینین ده گؤردو کی،بو اوچ اوتاق‌لی منزیل اونون عائله‌سی اوچون کیفایت دئییل. اونون عائله‌سی اوچون داها راحت و هر شئیی ایله تعمین ائدیلمیش بیر ائو داها خوش اولاردی. اوللر دفعه‌لرله اؤز زحمتکئش ایشینه گؤره موکافاتلار آلسا دا، آتا سونراکی تحصیلی اوچون ده قرارا گلدی و وظیفه‌سین‌ده اوجالماق اوچون یئنی‌دن چالیشماغا باشلادی.عائله‌سی یئنه ده آتانی چوخ گؤره بیلمیردی. بعضی واختلار آتا استراحت گونلرینده ده کاپریزلی اینسانلارلا ایشله‌مک مجبوریتین‌ده قالیردی. یئنی‌دن عائله‌سی اونا اونلارلا چوخ واخت کئچیرمدیین‌دن شیکایتلنسی‌دی، او،یئنه ده عینی سببی گؤستریردی.

گؤزلنیلدیی کیمی،آتانین بو گرگین ایشی ده سونا چاتدی و سینگاپور ساحلین‌ده گؤزل منظره‌لی بیر مولک آلدی. یئنی ائوینده بیرینجی بازار گونونده، بیر داها درس گؤتورمیجیینی و وظیفه‌ده اوجالماق اوچون چالیشمایاجاغینی اعلان ائتدی. بون‌دان سونرا او واختینین چوخ حیصه‌سینی عائله‌سی اوچون حصر ائد‌جک‌دی.

آتا نؤوبتی گون یوخودان آییلمادی.

نتیجه: بیز عائله‌میز و سئودیکلریمیزله داها چوخ واخت کئچیرمه‌یه چالیشمالیییق.ایشیمیز بیزه سئودیکلریمیزی عوض ائده بیلمز