یوخاری

قلبی میانا سئوگی‌سی ایله دؤیونه‌ن- گونئی‌لی شاعر

آنا صحیفه ادبیات
12 Punto 14 Punto 16 Punto 18 Punto
قلبی میانا سئوگی‌سی ایله دؤیونه‌ن- گونئی‌لی شاعر

مصطفی شیخپور ۲۸ مای ۱۹۸۲-جی ایلده میانا شهرین‌ده دوغولوب. ایبتیدای و اورتا تحصیلینی دوغما شهرین‌ده آلیب. ۲۰۰۲-جی ایلده تبریزده آزاد تبریز اونیورسیتتینه داخیل اولوب و الکتریک مهندیس‌لیگی ایختصاصینا ییلنیب. ۲۰۰۵-۲۰۰۶-جی ایللرده تبریزده سوسیال-مدنی حرکاتین ایشتیراک‌چی‌سی اولوب. اونون قلمین‌دن چیخان شعیرلر موختلیف مطبوع اورقانلارین‌دا، آنتولوگییا کیتابلارین‌دا و اینترنت سایتلارین‌دا یایینلانیب.

"دونیا دوردوغوم یئرده قورتاریر" آدلی شئیرلر توپ‌لوسو و چاغداش تورکییه شاعری ییلماز اوداباشینین شعیرلرین‌دن سئچیلیب، آذربایجان تورکجه‌سینه اویغونلاشدیردیغی کیتابلار بو سیرادان‌دیر. Kult.az شاعرین ایکی شعیرینی تقدیم ائدیر:

سنسیزلییی چؤرک آراسینا بوکوره‌م

سن‌سیزلیگی چؤرک آراسینا بوکوره‌م
غربت آخشاملاری

دنیز قیراغی

گمیلری ایزله‌مک…

بو شهر هئچ تورلو سنه بنزمیر.

نه داغلاری قافلانتی

نه دنیزی خزر،

نه آیلاری آی

نه گونشی بیر گؤزلین گؤزلرینه بنزر.

گلن نئفتین قوخوسون‌دا

هان‌سی گول تسلیم ائده بیلر سلاحلاری؟!!

بورا لال،

بورا کور،

بوردا عصیانلاریم بوغولور،

بوردا مصر-ال-تحریر میدانی،

بوردا سودان گونئی‌لیلرینه ایستیقلال مارشی…

هامی‌سی – بیر ساحل‌دیر،

بیر داغ.

زنجیرلری سئویرلر ایشچیلر

سحر چاغلاری ائرکه‌ن اویانیر جنازه‌لر

سان گؤرورلر فابریکالاردا دمیرلردن!

دمیرلری سئویرلر ایشچیلر

آنالار کیمی، بالالار کیمی، سئوگی‌لیلر کیمی.

سن‌سیزلیگی،

وطن‌سیزلیگی

قوسورام داغلارینا بو شهرین.

گون دوغمادان دنیزده‌یه‌م

گؤزل بیر یوخویا دالیرام
یئنه سئویرم سنی

یئنه گزیرم «تبریز» کوچه‌لرینی.

قیش‌دیر،
هاوا سویوق، «میانا»دا آنام اوشویور

سئوگیلیم گؤزلریمه باخیر، یالان دانیشیر

دوداقلاریم‌دا دونور «سنی سئویرم»لر…

بارماق اوجلارین‌دا گؤستریله‌ن اوچاقلارلا

کؤچوره‌م سن‌دن ،

سورگون دوشوره‌م بو شهره.

اؤزگور بالیقلار منه گؤز وورور

یاواش-یاواش ساحله چاتیرام

گمیلرده اسارت تویو،

بالیق‌چیلار دنیزه گئتمه‌یه تلسیر.


اورمودا گمی، یانین‌دا من

من بوردا بیر ایشچی

سنین یانین‌دا سئوگی داشییان گمییه‌م

«حماه» دا اؤلن قیز اوشاغی،

«مننامه» ده بیر اینقیلابییه‌م.

آلت کؤینییم تر،

اوست کؤینییم توز.

تبریز خیابانلارین‌دا اوشاق-اوشاق بؤیویوب

ساعتلاری یوردوقجا یورولورام.

ساعت قاباغین‌دا دینله‌یه‌رک "ساری گلین"i

بیر گمی باتار کیمی اورمو گؤلونده

باتیب قالیرام سن‌ده

اؤلسه‌م ده یانین‌دایام،

قالسام دا.

تاریخ
2019.02.18 / 22:00
مولف
آینورا مممدووا
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla