او بو ائوه یئنی گلین گلمیش،ائله ایلک گوده‌ن قاییناناسی ایله بیر یئرده یاشاماغا باشلامیشدی. آنجاق چوخ کئچمه‌دی کی، قاییناناسی ایله آرالارین‌دا داوا-دالاش باشلادی.

آرتیق ائوده آغیز دئیه‌نی قولاق ائشیتمیردی. داوا-دالاش‌دان بئزه‌ن گلین بیر گون کندلرین‌ده‌کی لقمانین یانینا گئتدی و دردینی آچیب دانیشدی. لقمان اونا بیتکیلردن بیر زهر حاضرلادی و بونو هر گون آز-آز قاییناناسینین یئمیینه قاتماغی مصلحت گؤردو. لقمان هئچ کیم شوبهه‌له‌نمه‌سین دئیه، قاییناناسی ایله خوش داورانماغی دا تاپشیردی. ائوه قاییدان گلین تلسیک ایشه باشلادی. هر گون قاییناناسی اوچون جوربجور یئمکلر بیشیریر، طبیعی کی، بو یئمکلره زهر قاتماغی اونوتموردو. هئچ کیم شوبهه‌له‌نمه‌سین دئیه، اونونلا خوش رفتار ائتمه‌یه باشلامیشدی. آرتیق قاییناناسینین دا اونا موناسیبتی دییشمیشدی.

واخت کئچدیکجه گلین ناراحات اولماغا باشلادی. حرکتیندن پشمان اولدوغو اوچون نه ائدجیینی بیلمیردی. بیر گون یئنه لقمانین یانینا گئتدی. آرتیق یئگانه آرزوسو قاییناناسینی اؤلومدن خلاص ائتمک ایدی. لوغمان گؤز یاشلاری ایله یالواران گلینه باخدی و قهقهه ایله گولمه‌یه باشلادی:

-منیم سنه وئردییم زهر دئییلدی. اونون ایچین‌ده عادی اوتلاردان باشقا بیر شئی یوخ ایدی. اصل زهر ایسه سنین اوریین‌ده ایدی. سن قایینانانلا خوش رفتار ائتدیکجه او زهر ده اریییب گئتدی. ایندی او زهرین یئرینده سئوگی وار.