کولت آذ گونئی‌لی شاعیر قوجا مغانلی‌نین شعرینی تقدیم ائدیر:

یاد- اوْگئی! کوْرپه دی، قوینوندا آغیزلانمادادیر!

اَر- ایگید دوغمالارین، سورگون آلازلانمادادیر!

آنا دوغما وطنين، تاریخی قات - قات زنگین

اژداها آغزینا دوشموش، اوُدور آزلانمادادیر!

قالا دئولر یاتاغی، اَرکه، ده! اَرکیم اوْتمور

داشلی- جینقیللی چاغیندان، يوخو یوٌزلانمادادیر!

اسکی لر قایناقینا، کار قولاغی ایلا! گوُزو کور

کورا فهم،! کوهنه فیکیر، باش دا، لوغازلانمادادیر!

لوت جیلیز، زَر گئیینیر،! جیققا دولاغلی دولانیر

اته یی یئر سوپورور، بوینو! تارازلانمادادیر!

بولبولون چهچه ینی، لهجه سانیر، بایغولاییر

قار قیشین قارغالاری، آغ - آلا غازلانمادادیر!

کوْجلو- کوْجسوز چاغیدی، تاپدالانیر وارلیقلار

دوو دوشوب ظولموکارا، حاق دا جولازلانمادادیر!

باریشیق کاروانینی، هئی چکیریک گون باتانا

گون دوغاندا، گوروروک، یاغی کونازلانمادادیر!

سوساییبلار زلی تک! چین چینه اینسان قانینا

قان - قاتیقلی، سوداَمَر! قورشونا! نازلانمادادیر!

بوش بوجاقدیر اوز ائویم، تاختالانیر قاپباجاسی

امگیم، پای چكيلير، قونشوجوغازلانمادادیر!

شاختا وورموش باغینا، ياز چیچگین پای توتالیم

اپریک - اپریک خزلین، سانما کاغیذلانمادادیر!

" قوجا " دونیا قوجاغیندان توره ئییر، خئیرایله شَر

خئیره قارشي نئچه شَر! گيزلي بوغازلانمادادیر!