آنا صحیفه ادبیات |
Kult.az اصلن گونئیدن اولا، آذربایجانین تانینمیش، ایستعدادلی شاعر-یازاری حمید هریسچینین "شمس تبریزینین شعیری"نی تقدیم ائدیر:
آغلاماغا گلینجه…
آغلاماغا گلینجه…
بیرینجی همیشه اینسان آغلاییر،
سونرا یاغیشلار، بولاقلار….
آغلاماغا گلینجه،
بیرینجی همیشه اینسان آغلاییر،
سونرا بوتون یئرده قالانلار…..
سونرا، آنجاق سونرا
بوتون یاغیشلار
ایلدیریم ختکئشیله
گؤیلرین اؤلچوسونو حسابلایار…
یئدییمیز چؤرکلر نئجه ده دادسیزدی…
اونلارین دادینی آنجاق
زیندانا گؤندریلهن چؤرکلرین ایچیندهکی
گیزلی مکتوبلار آرتیرار….
اوردا شیکسته ختتیله
منیم حیکمتلریم یازیلار…
گؤی اوزو ده یئر اوزودو،
آنجاق اوردا تورپاق یوخدو،
بو جاهاندا نه وارسا
او هم وار، هم ده یوخدو…
بوتون سئوگیلر بیتیر،
آنجاق سئوگیلرین سونوندا
نقطه یوخدو،
اوشاقلار آغلارسا، آغلاسین
اونلارین گؤزونده سو وار،
گؤز یاشی هله کی یوخدو….
اؤلوم، بیزیم سؤزلری تلفوظ ائتسه،
اونلارین ترکیبیندن
بیر سایت، سامیت سس دوشهجک،
اینسان دا باخ بئله اؤلجک،
فقط، اوشاقلارین گؤیه بوراخدیغی چرپلنگ
اؤز ایپینی قیرماسا،
گئرچک چرپلنگ اولا بیلمهیهجک…
جلالددین، بو ایشی گؤرهن کولک
غم ترزیسینین چکی داشلارینی دا
یئریندن ترپهدهجک.
هر نه وار ایدی،
او سنه یار ایدی،
قاپی دا دیوار ایدی،
خانهایی – حیکمته
شمسین نورو گلمیینجه….
جلالددین، من سئوگیلیمی یوخ،
سئوگینی سئویرم،
سیز گئدیرسیز، من یول گئدیرم،
پنجرهلری ائینک تک تاخمیش ائولرده
جهانین کور اولدوغونو سئزیرم….
من،
من،
من….
تاریخ
2020.04.07 / 10:17
|
مولف
آیتاج آراز
|