Kult.az صمد منصورون هپسی رنگدیر آدلی شعیرینی تقدیم ائدیر

اویما، ای دیل، خلق‌ده یوخ‌دور صداقت، رنگی‌دیر.
مسجیدو میخانه رنگ، عیش و عبادت رنگی‌دیر،
مئی ریا، معشوقه غش، حسن و وجاهت رنگی‌دیر،
رنگی‌دیر هر دورلو ماتم، هر مسررت رنگی‌دیر.
آنلا، ای ابنایی-خیلقت، جمله خیلقت رنگی‌دیر.

گؤرمدیم بیر ضرری-خالص بوته ی-ناسوتده،
معنوی مین لکه گؤردوم لعل‌ده، یاقوت‌ده،
بیقرض اینسان اولور گؤرمک فقط تابوتده،
بیلمزه‌م وارمی صداقت عالمی-لاهوت‌ده،
آزما، فیکریم، جمله اعجازو کرامت رنگی‌دیر.

هر کسین جیبری‌لی کندی قلبی‌دیر، ویجدانی‌دیر،
وار ایسه اینصافی شخ‌سین، دینی‌دیر، ایمانی‌دیر،
بد نیهاد اینسانلارین اؤز نفسی، اؤز شیطانی‌دیر،
لؤح قلبی عاریفین آیاتی‌دیر، قرآنی‌دیر،
مابقی اؤوهامدیر، شرو طریقت رنگی‌دیر.

بیر زامان واردی کی، من همفیکر ایدیم زهاد ایله،
سونرا گؤردوم فرقی یوخموش زاهیدین جللاد ایله،
دئدیم: عیاش اولمالی، تا گون کئچه معتاد ایله،
جمله عیش و نوشی گؤردوم موختلیف فریاد ایله،
آنلادیم کی، زهدو تقوا، عیشو عشرت رنگی‌دیر.

قیل تصور بیر داها شاعرلرین خولیاسینی،
عاشیقی-زارین باشین‌دا سیر قیل سؤوداسینی،
قبری آچ، گؤستر اونا شیرینینی، لیلاسینی،
بیر آییلسین دا، دوشونسون گؤردویو رؤیاسینی،
"باخ"، دئییر "حقی بوتون عشق و محبت رنگی‌دیر".

تاپمادیم عالم‌ده بیر همده‌م کی، اولسون بیرییا،
گؤرمدیم هئچ کس‌ده بیر نیت قرضد‌ن ما‌دا،
کلا ابنایی-بشر اؤز نفسینه اولموش فدا،
نفسی اوغروندا گؤرورسه هر بلا، هر ماجرا،
"مسلک"ا ایسناد ائدر، مسلک، دیانت رنگی‌دیر.

بیلمدیم نئیچینمیش عالم، بونجا دا یسو الم،
زؤورقی-عمرون موحیطی ورتبان، دریایی-غم،
بؤیله حال‌دا کیم‌سه‌دن بیهوده‌دیر اومماق کرم،
هر گلن بولماق دیلر اؤز نفسینه آسوده دم،
آرخالانمام کیمسه‌یه، اولفت، رفاقت رنگی‌دیر.

ایندی کی، مومکون دئییل عالم‌ده اولماق کامیاب،
ای گؤزوم قوربانی، ساقی، وئر گئنه ساغر شراب،
وئر گئنه ساغر شراب، ای ساقیی-عالیجناب،
بلکه باده‌نله ائده منصور راحت ایکتیساب،
یوخسا، بو عالم‌ده یوخ‌دور استراحت، رنگی‌دیر.