کولت آذ یعقوب نیکزادین شعرینی اوخوجولارینا تقدیم ائدیر:

‍ دونن
یئرین بوش
گونش قوناقلیغیندا
سئوگی ایچیلیردی گؤزدن
بایدالارین لول کئفلی چاغیندا
قیلینجین قازانجی بلگه له نیردی
گؤزللیگی بورج آلمیشدی گول الیندن
دورنالار بولاقدا افکه لنمک ده
سازلار دخیل دوشموشدو
بیلرزیکله نیردی یوللار
ماهنیلانیردی ساز
آچیلیردی دیل
بئله سی
آکسیا
هه
یئرین بوش
یوخولار اوچوردو
دیللره دوشوردو سؤزون
یوخلوغون اوره یی گؤینه دیردی
سنسیزلیییمه اینانیردیم بولون ـ سولون
سؤیودلر ساچین یولوردو آرتیقجا
گوزگو سوووتقاییردی گؤزونو
دریلیردین رمکه لردن
بیرشهر دیدرگین
باهار چاغی
دئمه
یایینیب قالمیشدین رؤیالاریمدان
تیلسیمی سیندیریب اویاتمالییدیم