بیر گون بهلول داننده خلیفه هارون الرشیده بیر سوال وئریر. دئییر: «تصور ائت صحراداسان، ۵۰-۶۰ درجه ایستیلیک وار. یولونو آزمیسان، ایچمه‌یه ده سو تاپا بیلمیرسن. آرتیق اؤلوم تهلوکه‌سی ایله اوزبوزسه‌ن. بئله بیر وضعیت‌ده بیر نفر تاپیلیر و سنه ایستدیین قدر سو تکلیف ائدیر. اما بونون موقابیلینده خیلافتینین یاریسینی ایستییر. وئررسنمی؟» خلیفه جواب وئریر: «بلی، وئرره‌م.»

بهلول سوروشور: «بیر ایچیم سو اوچون خیلافتین یارسینی وئررسن؟»

خلیفه دئییر: «بلی، اؤلمکدن‌سه حاکمیتین یاریسینی وئرمک داها یاخشی‌دیر.»

بهلول سؤزونه داوام ائدیر: «تسووور ائت سویو ایچدین و آیاقیولونا گئتمه‌لی‌سه‌ن. اما هر هان‌سی سبب‌دن بو ایشی گؤره بیلمیرسن. بدنین‌ده خسته‌لیک تاپیلیب، بؤیرکلرینده پروبلم یارانیبب و زامان بیر حکیم یاخینلاشیر و دئییر: «من سنی معالیجه ائدره‌م. بیر شرطله کی، حاکمیتین قالان یاریسینی دا منه وئره‌سه‌ن.» وئررسه‌نمی؟»

خلیفه جاواب وئریر: «بلی.»

بهلول یئنه تعجبله سوروشور: «بیر دفعه آیاق یولونا گئتمک اوچون خیلافتین یاریسینی؟»

خلیفه جواب وئریر کی، اؤلمک‌دن بو یاخشیدیر. بهلول فورصت‌دن ایستیفاده ائدیب اونا دیرلی بیر نصیحت وئریر.

دئییر: «هارون، حاکمیتین یاریسینی بیر ایچیم سویا، یاریسینی ایسه بیر دفعه آیاقیولونا گئتمک اوچون وئرمه‌یه حاضیرسان. بو قدر اوجوز حاکمیته خاطر اینسانلاری ازمیینه دیرمی؟»