اؤولادیمی یاتاغینا اوزادیرام. او ایسه منه دئییر: «آتا، چارپاییمین آلتینا باخ، اورادا قورخولو هئچ نه یوخدور کی؟». اییلیب چارپایینین آلتینا باخیرام و اورادا دهشت‌لی، قورخو دولو گؤزلرله منه باخان و بو سؤزلری دئیه‌ن اوغلومو گؤروره‌م: «آتا، منیم چارپاییم‌دا باشقا بیری وار».

حکیملر خسته‌یه آمپوتاسییادان سونرا خیالی آغریلارین اولا بیلجیینی دئمیشدیلر. لاکین هئچ کیم اونا آمپوتاسییا اولونموش سویوق الین بارماقلارینین دیگر الی نئجه قاشییاجاغی ایله باغلی خبردارلیق ائتممیشدی.

پنجره‌مین شوشه‌سینین دؤیولمه سسینه اویاندیم. ایلک اولاراق کیمینسه پنجره‌می دؤیدویونو ظن ائتدیم، لاکین سونرا بیر دؤیولمه سسی ده ائشیتدیم… لاکین گوزگودن.

هکیملر میت ین یئنی اصوللا دوندورولماسینی سیناقدان کئچیریردیلر. لاکین «جسدین» هله ده ساغ اولدوغونو اونلارا دئمیی اوچون هئچ بیر شانسی یوخ ایدی.

او هئچ جور باشا دوشه بیلمیردی کی، کؤلگه‌سی نیه ایکی طرفه عکس اولونور. آخی اوتاق‌دا جمعی ۱ لامپا وار ایدی.

گولومسه‌یه‌ن سیما قارانلیق پنجره‌دن گؤزلرینی منه زیللمیشدی. من ۱۴-جو مرتبه‌ده یاشاییرام.

سحر موبایل تلفنوم‌دا یاتان وضعیت‌ده چکیلمیش شکلی‌می گؤردوم. من تک یاشاییرام.

گوزگوده‌کی عکسیمین منه گؤز ووردوغونون شاهیدی اولدوم.

سن اویاندین. او ایسه یوخ

او من‌دن نیه گؤره بئله دریندن نفس آلدیغی‌می سوروشدو. اما من دریندن نفس آلمامیشدیم.

یورغون ایش گونوندن سونرا ائوه قاییتدین و تکلیک‌ده استراحت ائتمیی آرزو ائدیره‌ن. الینله قارانلیق‌دا قاپینین دستیینی آختاریرسان و بو آن باشقا بیرینین الینه توخوندوغونو حس ائدیرسه‌ن.

قیزیم هر گئجه یاری‌سی قیشقیریر و آغلاییر. اونون قبرینی زیارت ائتدیم و بونو ائتمه‌سینی خواهیش ائتدیم. لاکین بو کؤمک ائتمه‌دی.

۳۱۲-جی گون. اینترنت هله ده ایشلمیر.

درین یوخویا گئتمه‌یه حاضیرلاشیرسان و بو آن کیمینسه سنین آدینی چاغیردیغینی ائشیدیردن. آخی سن تک یاشاییرسان.

کئچه‌ن گئجه حیات یولداشیم منی اویاداراق ائوده کیمینسه یاد بیریسینین گزدیینی دئدی. لاکین حیات یولداشی‌می ۲ ایل بون‌دان اؤنجه قتله یئتیریبلر.

یئر کوره‌سینده یاشایان ان سون اینسان اوتاق‌دا اوتورموشدو. بو زامان قاپی دؤیولدو.

من گئج واخت یاتمیرام، لاکین هر دفعه اویانیرام.

حکیمین قئیدی: یئنی دوغولموش کؤرپه‌نین چکی‌سی ۳۶۰۰ گرم، بویو ۴۵ سانتیمتر، ۳۲ آزی دیشی وار. سوسور، گولومسییر.

ائوه گلیرم و مطبخ‌دن آنامین سسی ائشیدیلیر: «یئمیین حاضردیر، گل». ائله بو آن تلفنوما آنامین نؤمره‌سیندن اس ام اس گلیر: «ائوه گئج گله‌جه‌م، اؤزونه ناهار حاضرلا».