پروفسور الینه سو دولو ایستکانی گؤتوروب طلبه‌لردن سوروش‌دو:

- سیز نئجه دوشونورسونوز، بو ایستکانین آغیرلیغی نه قدردیر؟

زال‌دان موختلیف جوابلار ائشیدیل‌دی:

- تخمیناً ۲۰۰ گرام!

- یوخ، ۳۰۰ گرام!

- بلکه ده ۵۰۰ گرام.

پروفسور دئدی:

- من اؤزوم ده دقیق بیلمیرم. چکممیشه‌م دئیه بیلمره‌م. اما ایندی اساس مسئله بو دئییل. منیم سوالیم باشقادیر: من بو ایستکانی بیر نئچه دقیقه الیم‌ده توتسام، نه باش وئره‌جک؟

- هئچ نه! – طلبه‌لر دئدی.

- دوغرودور! – پروفسور داوام ائلدی. بس بو ایستکانی الیم‌ده ۲ ساعت توتسام، او زامان نه اولار؟

- الینیز آغریماغا باشلایاجاق.

- بس بوتون گون؟

- الینیز کئیییه‌جک. عضله‌لرینیزده آغریلار اولاجاق. حتی خسته خانایا دا دوشه بیلرسینیز.

پروفسور داوام ائلدی:

- بس سیزجه من اونو بوتون گونو الیم‌ده توتسام، ایستکانین آغیرلیغی آزالاجاقمی؟

- خیر! – طلبه‌لر امین‌لیکله جواب وئردیلر.

- بس بوتون بو پروبلمی حل ائتمک اوچون نه ائتمک لازیمدی؟

- ساده‌جه ایستکانی ماسانین اوستونه قویون. – طلبه‌لردن بیری گوله-گوله دئدی.

- دقیق! – سئوینجک پروفسور جاواب وئردی. – باخ حیات‌داکی چتین‌لیکلرله ده بئله داورانماق لازیم‌دیر. بیر پروبلئم حاق‌دا بیر نئچه دقیقه دوشون و آرتیق او پروبلئم سنله‌دیر. اونون حاق‌دا بیر نئچه ساعت دوشون، او سنه هوپماغا باشلایاجاق. سن او پروبلئم حاق‌دا بوتون گونو دوشونسه‌ن، اوندا سنی ایفلیج ائد‌جک. پروبلم حاق‌دا دوشونمک اولار، اما بو اونون حل ائدیلمیینه گتیریب چیخارمایاجاق. اونون "چکیسی" آزالمایاجاق. پروبلمین حلی آنجاق حرکتله مومکون اولور. یا اونو حل ائت، یا دا تاخیره سال. سنی ایفلیج ائد‌جک آغیر داشی اوریینده داشیماغا احتیاج یوخدور.