کولت آذ. گونئی‌لی گؤرکملی شاعیر حبیب ساسانیانین قلمیندن سوزولن "گؤزلَریندَن..." آدلی شعیری اوخوجولارینا تقدیم ائدیر:

اومارام گؤزلَریندن

اوْ شیرین سؤزلَریندن

یار- یارێ نئجه سئوَر

سوْروشون اؤزلَریندن.

سو ایچَی دیم، دَرین دَن

دوْیمارام، گؤزلَریندن

یار- یارێ، نئجه سئوَر

سوْروشون اؤزلَریندن.

سَنَه وورولموشام، من

مَنی حئیران ائدیبسن

یار- یارێ، نئجه سئوَر

سوْروشون اؤزلَریندن.

سَنَه کؤنۆل وئرَن دَن

فیکری - ذیکریم، اوْلوب سَن

یار- یاری، نئجه سئوَر

سوْروشون اؤزلَریندن.

گؤزلَریمین یاشێ، سَن

اۆرَه ییمین باشێ، سَن

یار- یارێ، نئجه سئوَر

سوْروشون اؤزلَریندن.

اۆرَک وئردیم، سَنَه من

آغلار قوْیدون منی، سن

یار- یارێ، نئجه سئوَر

سوْروشون اؤزلَریندن.

عشقیمین گۆلۆ، سنسن

سَنی چوْخ سئویرم من

یار- یارێ، نئجه سئوَر

سوْروشون اؤزلَریندن.

فرح یم سن، نازێم سن

کامانێم سن، سازێم سن

یار ـ یارێ، نئجه سئور

سوْروشون اؤزلَریندن

«حبیب ین» یارێ سان، سن

اَلیندَه تارێ سان، سن

یار- یارێ، نئجه سئوَر

سوْروشون اؤزلَریندن.