Kult.az سئچیلم قلم آدامی، آذربایجان‌لی یازیچی فخری اوغورلونون "اوزوک" شعرینی تقدیم ائدیر:

بختیمین اوزونه گولوبدور اوزون،
سئوینجیم سئل کیمی قایناییب داشیر.
تویدان بئش ایل سونرا آلدیغیم اوزوک
خینالی علینه نئجه یاراشیر!

سن بیر کندچی قیزی، من بیر طلبه،
ائولندیک... ائویمیز اولمادی آنجاق.
اویمادین درزیلر سالدیغی دبه،
کئچدی تقاعدله هر دولاناجاق.

ائولندیک... گولدون ده اوتانماغیما،
دئدین بو قایغییلا اوزمه اؤزونو.
قیرمیزی ساپ باغلا بوش بارماغیما،
اولسون توی اوزویو، نیشان اوزویو.

بو دا یوخسوللوغون اوزانان عمرو،
اوزورلر ایستدیم هئی دؤنه-دؤنه.
بیر پاییز پول ییغدیم اوزوکدن اؤترو،
قاچیب قیش پاپاغی تیکدیردین منه.

دولاندی فسیللر. قیش گئتدی یایا.
آمانسیز اولمادیق زامانیمیزتک.
قالدی نیشانیمیز تویدان سونرایا،
یاشادی اورکده اوزوکلو ایستک.

بیر گون بیز یوللاندیق دوکانا ساری،
آلدیق اوزویونو نیشانیمیزین.
من سنه وئردییم او یادیگاری
یازدیردین آدینا اوشاغیمیزین...