کولت.آذ گنج شاعیر بهزاد بیات فرد-ین شعرینی اوخوجولارینا تقدیم ائدیر:

یئنی لیک ایزلری بورویوب ائلی
دامجینی بولودلار گؤىلردن الیر
گؤز گؤره آغاج لار چیچکله‌نیب‌دیر
ایلاهی دئیـه سن باهـاردیر گلیر

تورپاغین‌عطیری‌یاغیش‌یاغیر باخ
دومسوکله‌ آییلسین‌ تامام‌ چؤل‌لری
وعده‌دن کئچیبدی بوایلین قیشی
صاباحدان‌ چیخاجاق‌ نوروز گول‌لری

سئوینجین، گولوشون‌ سیمگه‌سی‌ نه‌دیر
نه واردیر شنلیـگـه سـازدان ایره‌لی؟
هله‌ده چـوخ شی‌لر آییلـماییب دیر
آیـیـلین آیـیـلین یـازدان ایـره‌لی

آییلین واقتی دیر باخین گوزگویه
بو یازی ایسته ییـر اورک لر دادا
باهارین گلمه یین دویان تاپیلسا
اؤزونه باخاجـاق بیر آووج سـودا

یئنی لیک ایزلری بورویوب ائلی
دامجی نی بولود لار گؤى‌لردن الیر
گؤزوم ده آغاج لار چیچکله نیبدیر
ایلاهی دئیه سن باهار دیر گلیر