ﻧﺮدووان

ﮔﻮﻧﺶ الینی ﻳﺎﻧﺪﻳﺮﻣﻴﺮدی. داﻏﻼرﻳﻦ اوﺳﺘﻮﻧﺪه ﻗﻴﺮﻣﻴﺰی ﮔﻮنشی ﮔﺆﻳﺪن ﺳﺎﻟﻼﻳﻴﺐ، ﺗﺎرﻻﻻرﻳﻦ ﺑﺆﻳﺮوﻧﺪه ﺑﻴﺮ ﻧﺌﭽﻪ آﻏﺎج اﻛﺪی و ﺑﻴﺮ ﺗﻮت آﻏﺎجی ﻧﻴﻦ ﺑﻮداﻗﻼری آراﺳﻴﻨﺎ، ﻗﻴﺮﻣﻴﺰي ﺑﻴﺮ ﺑﺎﺷﻤﺎق ﺗﺎیی ﺗﻮﻻزﻻدی. ﺳﻮﻧﺮا ﻳﺎواش - ﻳﺎواش ﺑﻴﺮ اﺋﻮده ﺗﻴﻜﻴﺐ، ﺣﻳﻃﻴﻦ اورﺗﺎﺳﻴﻨﺪا ﺑﻴﺮ ﺣﺆوض ﻳﺌﺮﻟﺸﺪﻳﺮﻣﻚ ﻓﻴﻜﺮﻳﻨﻪ ﻗﺎﻟﺪي.

ﭼﻮﺧﻠﻮ ﭼﺎﻟﻴﺸﺎن دان ﺳﻮﻧﺮا، اﺋﻮﻳﻦ ﮔﻮن ﭼﻴﺨﺎن ﻃﺮﻓﻴﻨﺪه ﺑﻴﺮ داﻣﭽﺎ ﺗﻴﻜﻴﺐ، ﮔﻮن ﺑﺎﺗﺎن ﻃﺮﻓﻴﻨﺪه ده ﺑﻴﺮ ﺗﺆﻳﻠﻪ ﺗﻴﻜﺪي. ﺑﻮﻧﻼري ﻗﻮرﺗﺎردﻳﻘﺪا، داﻏﻼرﻳﻦ ﻗﻮﺟﺎﻏﻴﻨﺪا ﺑﻴﺮ ﻧﺮدووان ﻳﺌﺮﻟﺸﺪﻳﺮدي. آﻏﺎﺟﻼرﻳﻦ ﺑﺆﻳﺮوﻧﺪه، اﺋﻮ، داﻣﭽﺎ و ﻫﺎﺑﺌﻠﻪ ﺗﺆﻳﻠﻪ ﻧﻴﻦ اوزه-رﻳﻨﻪ-ده ﺑﻴﺮ ﻧﺮدووان داﻳﺎدي.

ﺳﺎرا رﺳﯿﻤﯽ ﻧﯽ ﻗﻮرﺗﺎرﻳﺐ ﻣﻌﻠﻠﻴﻤﻴﻦ ﻣﺎﺳﺎﺳﻴﻨﺎ ﺳﺎري ﻳﻮرودو. اوﻧﻮن ﻋﺎﺋﻴﻠﻪ ﺳﻴﻨﺪن ﺳﻮﻧﺮا، ﺑﻮﺗﻮن ﻋﺎﺋﻴﻠﻪ ﻟﺮ اوﺧﻮﻟﻮن رﺳﯿﻢ ﻳﺎرﻳﺸﻴﻨﺎ ﮔﻠﻤﻴﺸﺪﻳﻠﺮ. ﻣﻴﺪادﻻ ﻣﺎﻧﺘﻮﺳﻮﻧﻮن دوﻳﻤﻪ ﺳﻴﻨﻲ اوﻳﻨﺎدﻳﺮدي. ﺑﺎﺷﻴﻨﻲ آﺷﺎﻏﻲ ﺳﺎﻟﺪي. آﻳﺎﻗﻼرﻳﻨﺪاﻛﻲ ﻗﻴﺮﻣﻴﺰي ﺑﺎﺷﻤﺎق ﻻر، ﻫﻤﺸﻪ آﻧﺎﺳﻲ ﻧﻲ ﺧﺎﻃﻴﺮﻻدﻳﺮدي؛

ﻧﺌﭽﻪ اﻳﻞ ﺑﻮﻧﺪان اؤﻧﺠﻪ، آﻧﺎﺳﻲ آﻏﺎﺟﺪان ﻳﻴﺨﻴﻠﻴﺐ اؤﻟﻨﺪه، ﺳﺎرا اﺋﻮده ﺗﻚ اﻳﺪي !...