بیر دیندار شخص دنیز سیاهتینه چیخیر. قفلته‌ن فیرتینا باشلاییر و گمینی باتیریر. تاختا پارچالارین‌دان یاپیشان دیندار هوش‌سوز حال‌دا یاخین‌لیق‌داکی ساحله چیخا بیلیر.

بیر مدت سونرا اؤزونه گلدیک‌ده کیچیک بیر آدادا تک قالدیغینی گؤرور. اوجسوز-بوجاق‌سیز اوکیانین هئچ بیر یئرین‌ده گمی گؤرسنمیر. آنلاییر کی، بو آدادا هله اوزون مدت قالاسی اولاجاق. بو مقصدله اؤزونه آغاجلاردان، کوللاردان کیچیک بیر داخما دوزل‌دیر.

بیر گون یئمه‌یه بیر شئی تاپماق اوچون مئشه‌یه یول‌لانیر. قارا بولودلار آداسینین اوستونو آلیر، گؤی گورولداییر، شیمشک چاخیر، یاغیش یاغماغا باشلاییر. تصادفا دیندارین داخماسینی دا شیمشک وورور و یانماغا باشلاییر. هاوا قارالان‌دان سونرا قایی‌دان و داخماسینین یاندیغینین شاهیدی اولان دیندار چوخ اسبلشیر. بو حالینی ظلم کیمی قبول ائدیب، اللها قارشی کوفر عصیان ائدیر. اؤزونو اللهین سئومدیی، یاددان چیخاردیغی کسلردن حساب ائدیر.

بیر قدر دئییندیک‌دن سونرا یوخو توتوب یاتیر. سحر اویاندیق‌دا ساحل‌ده بؤیوک بیر گمی گؤرور. سئوینجینین حدی-هودودو اولمور. گمییه طرف قاچیر. گمینین شخصی هئیتین‌دن اونون بورادا اولدوغونو نئجه بیلدیکلرینی سوروشور. اونا اوزاق‌دان یانغینی (یانان داخمانی) گؤردوکلرینی و بونو یاردیم سیقنالی کیمی قبول ائد‌رک بو آدایا گلدیکلرینی دئییرلر. دیندار صبرسیزلیک ائد‌رک الله یانین‌دا نئجه بؤیوک گوناه ائتدیینی آنلاییر…