Kult.az هوشنگ جعفرینین ترکمن چوللرینده سو آلتیندا قالان باجی قارداشلارمیزا حصر ائتدیی "ائلیمین اوریی یاندیریب یاخیر" آدلی شعیرینی تقدیم ائدیر:

دامجیلار داشلانیب سئل اولوب آخیر.

ائلیمین اوریی یاندیریب یاخیر
سارانین تای توشو نیسگیل‌لی باخیر.

آماندیر سئل اولما سئل اولما یاغیش
چکیلیب شیشه‌یه مظلومون قانی

بورویوب ظالمین ظولمو هر یئری
سن ساری گلینین نیسگیل‌لی جانی.

آمان‌دیر سئل اولما سئل اولما یاغیش
وای منه وای ائلیمه وای سویا قویلانمیش ائله
وای او چؤللرده سو آلتین‌دا قالان تورکمن ائله
بو ایلیم گلدی بئله.

خالق قویلاندی سئله
نه بیلیم بلکه تقدیر بئلیمیش

تورکه تورک یاردیم ائدرمیش
ایندی قان قارداشیمیز ، سیرداشیمیز سو آلتدا قالسا نه چاره
یازیرام شعیر دوباره.

بو مصیبت‌ده ائللره دایاق ائللر اولسون
قادا سیزدن ایراق اولسون،

خالقیمیز قوی اویاق اولسون

بو اویاقلیق چیراق اولسون

تورکه تورکلر دایاق اولسون

تورکه تورک دوست اولا خوشدور

تورکون تورکدن قانی جوشدور

یئنه قارداش‌دیر گلیب

قارداشینا چاتدی، قوووشدو

بیز بوتون تورک باجی قارداش

هامیمیز بیر آغاجین مئیوسیگیک

کؤکوموز بیردیر بیزیم

سنین آغرین منیم آغریم‌دیر

اگر غم سنه اوز وئرسه منیم‌دیر

منیم آغریم دا سنین‌دیر.

سنین اؤلکه‌ن منیم اؤلکه‌م

بیزه نه اورمو نه تبریز نه زنگان

ورزیقان‌دان بئله گل تختی سلیمان

تورکمن صحراو و قاشقای و ساوه

بیز بیریک دیلدن علاوه

قانیمیزدا اوغوز قانی قاینار

ائللریم خالقی هارایلیییر

آی هاوار دال‌دا گلین

ائللریم آغلیییر های وئرین ائل سسینه

داغ سینه داغلیییر ساوالان خالقی هارایلیییر

آی تراختورجولارین دوستلاری شانلی ایگیدلر

آی بوتون خالقی سئوه‌نلر تورکمنلر سیزی دینلر

سیزی ایمدادینه سسلر

من‌ده بوردان سیزی ایمداده چاغیردیم

تک قالیب هؤنکوروب آغلاردا باغیردیم

سیزی ایمداده چاغیردیم