Kult.az دونیا شهرت‌لی یازی‌چی پاولو کولهو-نون قیسا حکایه‌سینی تقدیم ائدیر:

قاغایی و سیچان

بیر قاغایی چیمرلیین اوستو ایله اوچارکن قوم اوستونده بیر سیچان گؤرور. قاغایی اونا دوغرو اوچوب یئره ائنیر و سیچان‌دان سوروشور:
- بس سنین قانادلارین هانی؟

اونلارین هر ایکی‌سی موختلیف دیللرده دانیشدیغینا گؤره سیچان، قاغایینین نه دئدیینی آنلامیر. آنجاق سیچان گؤرور کی، اونون قارشی‌سین‌دا دوران حیوانین بدنین‌دن یانلارا دوغرو ایکی بؤیوک چیخینتی وار. اؤز-اؤزونه دئییر:

- یازیق حیوان! یقین هان‌سی‌سا خسته‌لیکدن اذیت چکیر.

قاغایی دا گؤرور کی، سیچان گؤزلرینی اونون قانادلارینا زیلله‌ییب، او دا اؤز-اؤزونه پیچیلداییر:

- یازیق حیوان! یقین وحشی حیوانلار اونا هوجوم ائدیب قانادلارینی قیریب ، اؤزونو ده کار ائدیبلر.

بو کار، قانادی «تالان ائدیلمیش» حیوانا یازیغی گلن قاغایی سیچانی دیمدیینه آلیب گؤیلره قالدیریر. گؤیون انگینلیکلرین‌ده اوچان قاغایی دوشونور کی، یازیق حیوان قانادی اولدوغو واختلاری خاطیرلاییب سئوینه‌جک.

سیچانی دیمدیین‌ده گؤیه سیاحته آپاران قاغایی سون‌دا سیچانی گتیریب گؤتوردویو یئره قویور.

قاغایینین دیمدیینده سیچان گؤیه سیاحت ائدیب، یئره هوندورلوکدن باخمیش‌دی.

آنجاق زامان کئچدیکجه او اؤزونون سیچان اولدوغونا ایناندی، اونا ائله گلدی کی، حیاتین‌دا باش وئرمیش او معجزه ساده‌جه بیر یوخویموش...