Kult.az کریم احمدییانین "یاغیش" آدلی شعیرینی تقدیم ائدیر:

یاغیش دا یاغاندا بویله دوشوندوم

گؤره سن تانرینین نه ییدی یئنه

اؤره ییم دولاندا منده آغلارام

اونونچون آغلاییر هئی دؤنه- دؤنه

یاغ یاغیش یاغگینان یئرین اؤستونه

چیرکینلیک بورویوب بیز انسانلاری

اؤ ره ک لر دولوبدور قارا توستویه

آخی سیلمه ییری یاز لئیسانلاری

یاغیشین سسی ده آنا لایلاسی

سسینله اویویوب کئشگه اویانام

قاییدام آناملا یاغیش یاغان چاغ

اوشاغلیق باغیندا گزم دولانام

بولودون آلتیندا گولومسه یم من

ایسلانام پالتاریم جیم جیلیق اولسون

اَل اَله آناملا قاچیب گولنده

تانریدا باخاندا گؤزلری دولسون

آغلاماق دا کئشگه سئومکدن اولا

اؤره کلر اوشاق تک ساده دولانا

تانریدا یاغدیرا گؤزل آنلاری

«شاهیدین» عشقدن قلبی اویانا.