Kult.az "عکس-صدا" آدلی قیسا پسیخولوژی حکایه‌نی تقدیم ائدیر:

بیر آدام اؤز اوغلو ایله مئشه‌ده گزیرمیش. بیردن اوغلانین آیاغی ایلیشیب ییخیلیر. و ازیله‌رک "آههههه" دئیه قیشقیریر. ایر‌لی‌ده بیر داغین تپه‌سین‌دن "آههههه" دئیه بیر سس ائشی‌دیر و چاشیر. ماراقلانیر و "سن کیمسه‌ن؟" دئیه قیشقیریر. آلدیغی جواب "سن کیمسهن؟" اولور. آلدیغی جوابا حیرسلنیب "سن قورخاق‌سان" دئیه تکرار قیشقیریر. داغدان گلن سس "سن قورخاق‌سان" دئیه جواب وئریر. اوشاق آتاسینا دؤنوب"آتا نه اولور بئله؟" دئیه سوروشور

"اوغلوم" دئییر آدام، "دینله و اؤیره‌ن!" و داغا دؤنوب "سنه حیرانام" دئیه قیشقیریر. گلن جواب "سنه حیرانام!" اولور. آتا تکرار قیشقیریر، "سن محتشه‌م‌سه‌ن!" گلن جاواب ؛ "سن محتشه‌م‌سه‌ن!" اوغلان چوخ چاشیر، اما هله ده نه اولدوغونو آنلایا بیلمیر. آتاسی ایضاح ائتمه‌یه باشلاییر
"اینسانلار بونا "عکس-صدا" دئیرلر، اما اصلین‌ده بو "حیات"دیر." "حیات دایم سنه سنین وئردیکلرینی گئری وئریر. حیات ائتدییمیز داورانیشلارین آیناسی‌دیر. داها چوخ سئوگی ایستدیین زامان داها چوخ سئو! داها چوخ شفقت ایستدیین‌ده، داها شفقت‌لی اول!

حؤرمت ایستییرسن‌سه اینسانلارا داها چوخ حؤرمت ائت. اینسانلارین صبیرلی اولماسینی ایستییرسن‌سه سن ده داها صبیرلی اولماغی اؤیره‌ن. بو قایدا حیاتیمیزین بیر پارچاسی‌دیر، هر کسه عاییددیر.""حیات بیر تصادف دئییل، ائتدیکلرینیزین آینادا بیر عکس اولونماسیدیر. "