Kult.az آذربایجانین گؤرکملی شاعری رامیز رؤوشنین شعرینی تقدیم ائدیر:

سنه بیر داش آتار یئرین‌دن دوران،
سنی سئودیکلرین داشقالاق ائیلر.
بیر الین‌ده داش وار،بیرینده قوران،
داش آتان بیلیرمی نه گناه ائیلر؟!

سیلرسن گؤزون‌دن آخان یاشلاری،
اؤپوب عزیزلرسن سن او داشلاری،
دئیرسن: "وار اولون، قان قارداشلاریم"،
منی تزه داشا کیم قوناق ائیلر؟!

هر داش اؤزو بویدا کؤز اولوب یانار،
جانا دامغا کیمی باسیلیب یانار،
قانلی یارالارین قیزاریب یانار،
سنی باش‌دان باشا چیل‌چیراق ائیلر.

بیرجه تیلسیمین وار -
سئوگی تیلسی‌می،
کیم قیرار تانرییا باغلی بیر سیمی؟!
تانری تانری‌دیرسا، اؤز ائلچی‌سینی
مین بیر داش آلتین‌دا یئنه ساغ ائیلر.

سن دؤزرسن آغریسینا،
داش دؤزمز،داش هارای ائیلر.
او داشلاردان تانری سنه
بیر ائو تیکر، سارای ائیلر...