Kult.az دونیا شهرت‌لی یازیچی پاولو کوئلهونون قیسا حکایه‌سینی تقدیم ائدیر:

دوه آلوئرچی‌سی بیر کنده گلیر و دوه‌لری چوخ آشاغی قیمته ساتیر. هووسئپ آدلی بیر کیشی‌دن باشقا هره بیر دوه آلیر.

بیر مدت کئچه‌ندن سونرا کنده باشقا دوه آلوئرچیسی گلیر. اما بو آلوئرچی دوه‌لری چوخ باها قیمته ساتیر. بو دفعه یالنیز هووسئپ او کیشی‌دن دوه آلیر. بونو گؤره‌ن دوستلاری اونو دانلاییب دئییرلر:

- کئچن دفکی آلوئرچی دوه‌لری چوخ اوجوز ساتیردی، لاپ سو قیمتینه. اما سن اوندا دوه آلمادین. بو دفعه ایسه او دوه‌لرین ایکیقات قیمتینه دوه آلیرسان.
هووسئپ جاواب وئریر:

- همین او اوجوز دوه‌لر منیمچون چوخ باهایدی، چونکی او واخت چوخ آز پولوم واردی. بو دوه‌لرین قیمتی سیزه باها گؤرونه بیلر، اما اونلار منه گؤره چوخ اوجوزدور. چونکی ایندی پولوم چوخدور.