Kult.az گونئی آذربایجان‌لی یازیچی سحر خیاویاین "کئف ایچینده یم" آدلی شعرینی تقدیم ائدیر:

بیلیردیم سئوگینه هه دئیه ن گوندن
دلی کولکلره توش گله جه یم
بیلیردیم لاپ ائله ازل گونون دن
بو درین سئوگیده من اوءله جه یم

یئلکنسیز گمی یم دنیزلیگینده
جُنونلو دالغالار گلیر اوستومه
گوووده می اودماغا سَرت بورولغانلار
ناققا آغیزلارین آچیب قصدیمه

بیلمیردیم دنیزده غرق اولسام اَیَر
جیسمیمی یابانجی،وورار ساحیله
بیلمیردیم بو یازیق شاعیر اوره ییم
دولاشیق یوللاردا گله جک دیله

بو سئوگی من اوچون غم کَدَر اولدو
آجی بیر ایچگی تک چکیرم باشا
آدین بیر یارادیر کووورک قلبیمده
سانکی بیر آبیده قازیلیب داشا

نئینه ییم دلی یم لاپ ایتیب باشیم
ساغالماز یاراما دوز سپیرم من
اوزولمه سئوگیلیم سن سالامات قال
اینان کی بئله سی کئف چکیرم من!