Kult.az دونیا شهرت‌لی یازیچی پاولو جوئلهونون "جننت‌ده صحبت" آدلی قیسا حکایه‌سینی تقدیم ائدیر:

عبد مبارک مکه‌یه زیارته یولا دوشجیی گونلرین بیرین‌ده یوخودا گؤرور کی، جنت‌ده‌دیر و ایکی ملکین صحبتینی ائشی‌دیر.
ملکلردن بیری او بیرین‌دن سوروشور:

- بو ایل مقدس شهره نئچه زیارت‌چی گلمیشدی؟

ایکینجی ملک جواب وئریر:

- بو ایلکی زیارت‌چیلرین سایی آلتی یوز مین نفر ایدی.

بیرینجی ملک:

- بس اونلاردان نئچه‌سینین زیارتی قبول اولوندو؟

ایکینجی ملک:

- هئچ بیرینین. اما بغداددا علی موفیق آدلی بیر چکمه‌چی زیارته گله بیلمه‌سه ده اونون زیارتی قبول اولوندو. اونون قازاندیغی ثواب آلتی یوز مین زیارچینین آراسین‌دا بؤلوشدورولدو.

عبد مبارک یوخودان دوروب چکمه‌چی علی موفیقین یانینا یول‌لانیر، یوخوسونو اونا دانیشیر.

علی موفیق گؤز یاشی ایچین‌ده دئییر:

- چوخ چتین‌لیکله، چوخ قوربانلار باهاسینا ۳۵۰ قارا قپیک توپلامیشدیم. مکه‌یه یولا دوشمه‌یه حاضر ایدیم کی، قونشولاریمین آج اولدوغونو گؤردوم. توپلادیغیم قپیکلریمی قونشولاریم آراسیندا بؤلوشدوردوم، مکه‌یه زیارته گئتمکدن واز کئچدیم.