Kult.az الیسمید کورون «آلو، من سنی گؤروره‌م» شعیرینی تقدیم ائدیر:

یوخاری مرتبه‌دن گلن ماهنی
اورییمی گؤینه‌دن واخت‌دا
اللریم قوینوم‌دا
اوزانمیشام چارپایی‌دا.
تاوان‌دان، دیوارلاردان
کدرلی اوزلر،
دیلخور ماسکالار آسیلیر
سنی دوشوندوکجه، قیزیم!
هر اوخونان نغمه
بیر دوغما آنی یادا سالار،
هر تانیش سس بیر دوغما اوزو
جانلاندیرار گؤزلریمیزده…
تلفن زنگی.
-آلو، باکییلا دانیشین.
-آل-لو! قیزیم، سنسه‌نمی؟!
-…
-آل-لو!
…۲۴۰۰ کیلومترلیک حسرتین ایچین‌ده
قاتار کئچدی دئیه‌سه‌ن.
بیر زاهی بولود
سیلکه‌له‌دی تلفن خطلرینی.
یوز ثانییه‌لیک سوکوتون آرخاسینا
سیغدی بیر اینسان عؤمرو.
-آلو! آلو!!
-آ-تا! آ-تا!
…اوزون یادیم‌دان چیخیر،
ایلغیم آخیر دالغا-دالغا
یادداشیمین دؤرد اولموش گؤزوندن.
یوخو دا یالانمیش، فوتوشکیل ده یالان…
-آلو! آلو!
-آتا، منی ائشیدیرسن؟
-آل-لو، من سنی گؤروره‌م، قیزیم…