Kult.az زاور اوستاجین "نادان‌لیق" آدلی شعیرینی تقدیم ائدیر:

اورمو آخان گؤز یاشیم‌دی،

یاناغیم‌دا دوز اولوب‌دو…

اورمو، اورمو سؤیله‌مک‌دن

باغریم باشی کؤز اولوب‌دو…

* * *
شوموره لعنت دئیه‌نلر
سوسوز قویوب‌دو دینداشین…
اینسان اینسانا قنیم‌دی،
گوناهی نه داغین، داشین؟
* * *
ساوالانی درد قوجالت‌دی،
موروو سویوق‌دان اوشویور…
آراز سوکوتون پوزماییر،
کور الچاتانا دؤشویور…
* * *
دمیر قاپیم پاس آتیب‌دی،
نئچه کؤرپودن کئچمیریک…
کرکوک، موصول اونودولوب،
باغ‌دادا ایراق دئمیریک…
* * *
نسی‌می نشی حلب‌ده،
فضولی هره‌م‌ده قالیب…
بابکین روحو سرگردان،
بزز قالاسین دومان آلیب…
* * *
سویومو داشلا بوغورلار،
داشی‌می سویلا یویورلار…
خودافرین، اورمو اینجیک،
بیزلری بیزسیز قویورلار…
* * *
شاه بابام یول اورتاسین‌دا،
کوروغ‌لو گؤیلرده گزیر…
بیزی، بیزدن آیری سالان
نادان‌لیق روحومو ازیر…