Kult.az گونئی آذربایجان‌لی شاعر قوجا موغانلینین شعرینی تقدیم ائدیر:

منیم _
سسیم سیزیلداییر،
لای لالاردا یول ایزله ییر،
مورگوله ییر بنوُوشه لر، کوّرپه گوزلر
شئح له هوُپور لچکلره یاناقلارا
دیکسیندیرسه قوزغون سسی، های هالایی.
اسیم لره قووشاراق، مارشی لانیر تپگیلره،!
ایلدیریم تک قایالارا دوشور سسیم،
بوغور سئلین گورولتوسون،
ایلان دیلی چیخاردیرام اژداهایا،!
کوّرپه لره توخونماسین.
یئری گلسه قارغیشلاریم! قارا یئل له،
قارقامیشدا شارقیلانار،
مین هاوالی، باش گوزوزدن، یوخو قاچار.
منیم سسیم،
سطیر سطیر نغمه دوغار،
منیم سسیم،!
قاینار پولاد بارماقلیقدان،
بوغدایلارین کورپولشن عینادلاری.
بئل سالمیان بوی بوخونو...!
قول قانادلی آرزیلاری!
منیم سسیم!
جوجوقلارین! سئلی بوغان اینجه اَلی!
دوغان بیلر: ظولمو بوغا...
ظالیم سودون گویه ساغا.
ظالیم سودون گویه ساغا.