Kult.az نریمان حهسنزادنین شعیرینی تقدیم ائدیر:

بیر یول آیریجینا بنزییر حیات،
یاراماز حیاتین اوستون‌ده اسمک.
جسارت ایستییر، بیر ده احتیاط،
نه لنگیمک اولار، نه ده تلسمک.

احتیاط ائلدیم اوردا کی، بیر واخت،
جسارت هر شئیه، منجه، دیردی.
جسارت گؤستردیم اوردا کی، آنجاق،
عادی بیر احتیاط بس ائلیردی.

بو دونیا قریبه بیر ایله‌نجه‌دیر،
دونیا سرت، من بزه‌ن اوشاقخاسیت.

یاشادیم، بیلمدیم بو دونیا ندیر،

بیلمدیم، دونیادا ندیر سادت.

کدریم دونیانین وئجینه دئییل،
سئوینجیم نئجه بس، دوشورمو یادا؟
بلکه دونیا اوچون، بو – هئچ نه دئییل،
نه قدر سئوینج وار، قم وار دونیادا.

دونیا سرگی‌سین‌ده گؤروندوم، یئتر،
حقیقت دئدیم من »یالان دونیا»یا،
دونیانی ایله‌نجه حساب ائد‌نلر،
ایلنیب باخ‌سینلار بیر آن دونیایا.