کولت. آذ سعید مغانلینین شعیرینی تقدیم ائدیر:

سنين گؤزلريندن باشلاندي زامان

قوي هئچ ایشله مه سین پوزوق ساعات لار

یالان- یانلیش یازسین قیسیر تقویم لر

گؤزلرينده سئوينج وار
حيات وار

بير آزدا كدر

باخيشين تانرىنين باغيرتيسىدير

سنين گؤزلريندن باشلاندي تانري

گؤزلريندن اؤنجه

قارا بير شئيطانين قوللوقچوسویدوم

و گؤزلريندن سونرا

ياشيل بير تانرىنين قيزيل بوقچاسی

سنین گؤزلريندن باشلانيرام من

بيله ييمده پولیس کلفچه لری

اوره ییمده آلا گؤزلرين

ساعات يئرينه

تيق...تيق...تيق...

قووالايير كيپریکلرین ثانييه لري

تاخ... تاخ... تاخ...

قووالايير مني پولیس لر

و اوره ییمده دؤيونور زامان، دايانير ز...آمان

آخي گؤزلرينين باريتيندان آچیلیر

الیمیزده کی سئودا تاپانچالاری

و عئيني زاماندا پارتلایاجاق

سنین گؤزلرينه كؤكله نميش

اورك بومبالاريميز