یوخاری

باکی‌دا دوغولوب تبریزه کؤچه‌ن وطنپرور شاعر

آنا صحیفه ادبیات
12 Punto 14 Punto 16 Punto 18 Punto
باکی‌دا دوغولوب تبریزه کؤچه‌ن وطنپرور شاعر

ادبی جمعیتیمیزده «باریش» آدیلا تانینان آذربایجان شاعری کریم خجیر۱۹۳۲-ینجی ایلده آذربایجان جمهوریتی‌نین یولاق شهرینده دونیایا گوز آچمیش، دؤرد یاشینداایکن عائله‌سیله بیرلیکده تبریز شهرینه کؤچموشدور. ۱۹۶۱-ینجی ایلده انگلیس دیلی اوزره لیسانس آلیر و ۱۹۸۳-ینجی ایله دک معلم لیک ائدیر. باریش اللینجی ایللردن آذربایجان دیلینده شعر دئمگه باشلاییر.

اونون شعرلرینین اساس غایه‌سینی وطنپرورلیک، آزادلیق سئورلیک و اجتماعی لیریسم تشکیل ائدیر. اؤز انقلابی احوال- روحیه‌لی شعرلریله انقلاب عرفه‌سینده بؤیوک اوخوجو رغبتینی قازانیر و انقلابدان سونرا «آل شفق‌لر» عنوانلی کیتابی چاپدان چیخیر. اؤز انقلابی و وطنپرور شعرلریله تانینان کریم باریش ۱۹۹۷-ینجی ایلین شهریور آییندا وفات ائدیر.

Kult.az اوستادین بیر شعرینی سیز عزیز اوخوجولارا تقدیم ائتد:

کریم خجیر- باریش

ای آنام دیرلی دوغما دیاریم

پوزولماز گولشنیم، سولماز گولزاریم

باخیشی اوره‌ییم سئزن قراریم

آرزومون گول آچان بوتاغی تبریز.

***

سسیندن آییلمیش، دویوخموش زامان

الیندن آلیبدیر ایگیدلر نیشان

هر سحر تک دوغان «دان»اولدوزومسان

یوردومون ایشیقلی چیراغی تبریز.

***

چؤللرین، قوشلارین شن اؤلنگی‌دیر

حوسنونون جیلوه‌سی شافاق رنگی‌دیر

آچیلمیش گوللرین ائل چلنگی‌دیر

حیاتین گولومسر دوداغی تبریز.

***

تاریخی عؤموردور کئچن هر دمین

سینانمیش ائلیندیر یاخین همدمین

آلیب سهنددن ووقار گؤرکمین

اؤنملی دوستلارین دایاغی تبریز.

***

یول آچدین قلبیمه گؤز ببه‌گیمدن

ان اؤنده دوروبسان هر گره‌گیمدن

وارلیغین دوغولموش ایلک دیله‌گیمدن

گونشلی سئوگیمین ساچاغی تبریز.

***

ائللرین سوردوگو هر بیر چاغیندا

حؤکمونون متنی وار هر بوجاغیندا

شاعرلر یاتیبلار سیخ قوجاغیندا

شعریمین توکنمز نووراغی تبریز.

***

سؤزونو دانیشان دیلیندیر دیلیم

نه قده‌ر واریمسان اولماز نیسگیلیم

وورولموش عاشیقم سنسن سئوگیلیم

یاشاییش عشقیمین ماراغی تبریز.

***

ستارخان آدینا باغلانیب آدین

افتخار یارادیر هر گنج ائولادین

تملین قازیبسان سن استبدادین

انقلاب اوردونون اوجاغی تبریز

تاریخ
2019.04.18 / 17:15
مولف
آیتاج آراز
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla