Kult.az شاعر بشیر فرض اللازاده دردوغلودان گونئی‌لی بالالارا حصر ائدتدیی شئیری تقدیم ائدیر:

گل سایاق تورک دیلین‌ده. بیر اللهین آدیدیر،

اونون آدی دوغرودان آغیزلارین دادیدیر.

۱-له ۱ اولار ۲. بیر سنین، ایکی منیم.

۱-دن ۳-ا سن گؤتور، هر ۴-اون تکی منیم.

گل سایاق اویونجاغی، ۴ اؤتسون ۵-ا ساری.

۶ اولسا بؤلوشک، ۳-۳-ا سنله یاری.

هر نیی بؤلسک یاری، ۷-ده قالاجاغیق.

ائلده‌ن ائله گزیشیب ۸-ی آلاجاغیق.

۸ ایکی بؤلونسه، هر بؤلگوسو ۴ اولار،

بؤلگولر دوز بؤلونسه، بولانیقلار دورولار.

اوز بیر چیخار، ال اثر، سان چیخاندا ۹-آ.

آرزو اودو سؤنرکن اورکلر دؤنر بوزا.

۹-اون سونو ۱۰-دور، ۱۱-له دولار بارا.

۱۱ دئیر سؤزونو قابویا، سازا، تارا.

چوخ گؤزلدیر ۱۲، ۱۰ و ۱۱ باغلی اولا.

او گلسه، بیل، دوشه‌جک دونیامیز بیر آیری دونا.

۱۳-او نحس ساییبلار آتا-بابا دیلینده.

۱۴-اون آدی عزیز موسلمانلار ائلینده.

سای چاتاندا ۱۵-ا، شیرینلشر دیلیمیز.

۵-۱۰-۱۵ سایارکن اوخویار بولبولوموز.

۴*۴ اولار ۱۶، ایکی ۸ ایچینده،

آتام اونو اؤیردیب یای گونونده، بیچین‌ده.

۱۶-یا بیر آرتیر، ۱۷ اله گلر،

کیمسه‌سیزدن قاباقدان هر زامان دیله گلر.

ایکی ۹ بیرلشسه، اولاجاق‌دی ۱۸،

آردینجا ۱۹-او سایاجاغیق دیلده بیز.

درسینده آلا بیلمز ۲۰-نی هر اوشاق،

بیلین کی، بو قیمتی آلار تکجه نر اوشاق.