کولت. صمد وورغونون "بو قدر آسان اولمامالییدی" آدلی شعیرینی تقدیم ائدیر:

بو قدر آسان اولمامالییدی هر شئی…
تانیشلاردان تلفن نمره‌نی گؤتورمک،
الینی توتماق، ائوه اؤتورمک، اول دوداقلارینا…
سونرا خطرینه دیمک بو قدر آسان اولمامالییدی…

ایکیمیز ده ایستدییمیزه چاتان کیمی توکندیک.
نییسه، نلری‌سه یاریم ساخلامالی،
تام پایلاشمامالی، تام بؤلوشمملیدیک…
آز زنگلشمه‌لی، مئساژلارین سایینی آزالتمالی
و بلکه ده هئچ اؤپوشمملیدیک…

بیزه عایید اولان هر دردی اؤزوموز،

آنجاق اؤزوموز چکملیدیک.
یئرسیز اینجیمه‌لرین، کوسمه‌لرین آراسینا گولوش تؤکملیدیک.
بو قدر آسان اولمامالیی‌دی…

بینالاری، ماشینلاری، کوچه‌لری،
سحری تئلئفون‌دا آچدیغیمیز گئجه‌لری اونوتماق،
شکیللرینی سیلمک، سونرا آدینی تئلئفون‌دان پوزماق
و بو گئجه بو شئیری بئله بیرنفه‌سه یازماق آسان اولمامالیی‌دی.
ایکیمیز ده اولدوغوموزدان آرتیق اولدوق گؤرونور.
بو قدر آسان اولمامالییدی…