عئینکینی گؤزونه ویریب، آستا آستا اوخویور. بیر سؤز سوروشمامیشدان باشینی کتابدان قالدیریب دئییر: «گونده بیر صفحه بو کیتابدان اوخویورام. اؤزون بولوسن دا کتاب اوخوماق قویماز آدام آلزایمر توتسون. چوخ قشح کتابدی. فرادرمانی کتابیدی.»

سونرا کتابدان منه شعر اوخویور.
ز مدینه تا به کعبه رفتم
سر و پا برهنه رفتم...
گؤز اوجو کتابا باخیرام. عرفان حوزه‌سینده یازیلمیش «چند مقاله» آدیندا بیر کتابدیر. یازیچیسینین آدینی گؤرنده باشیمدان توستو قالخیر. کتابین یازیچیسی حال حاضیرده زنداندا آغیر بیر جزا کئچیرمکده‌دیر. دییه‌سن منیم آنام دا بو گونلر اؤزو بیلمزدن رادیکال بیر آنایا چئوریلیب. اؤزلویومده دوشونورم کیتابین یازیچیسی‌نین خبری اولسا کی منیم ۸۶ یاشلی آنام دا اونون اثرلرینی اوخویور، ایشینی گؤردویوندن امین اولوب، راحاتجا باشینی سیستمین ایپینه بوراخار.