Kult.az نؤوبتی شعیری تقدیم ائدیر:

قوخلا کؤرپه‌لرینی جیرینه یاییلسین،
هوشسوز حسین آییلسین.
گؤزلرینده گولوشو جیلد - جیلد درج ائله،
سات آغرینی ، خرج ائله.
پنجره‌ن آغلایاندا قوشولما بولودلارا،
باخ چیرپینان قوشلارا.
خیاللاری سفرده یاغان یاغیشا باخما ،
آخما ، یوللارا آخما.

آرزولارا آیاق آچ ، دیلکلرین اوسته گئت،
سئوینجی تصور ائت.
ساچینی داراماغا آینا گزسین هوه‌سین،
اللرین اینجیمه‌سین.
اعدام ائیلییر منی کؤنلونده دوشن یاسین،
قاشلارین چاتیلماسین.
سنی خوشبخت گؤره‌نده گؤیریر قارا داشیم،
منیم گیزلی سیرداشیم.

بیل ، کؤکسونده آجیلار بیر گون توفان قوپارسا،
اوچار نییم واردیسا...
گولوشلرین داغلارین اریدر قارین، قالماز.
سن گولدویون گوندو یاز.
اوریینی بوز کیمی ، یووانی ایستی ساخلا،
ایسین ائوله، اوتاقلا.
یاد اولما بو حیاتا آلیش ، داریخمایاسان،
بیلیرم ، دئییل آسان-
چالیش داریخمایاسان.