Kult.az گونئی‌لی شاعر کاتب اوغلونون "اولار" ردیف‌لی شعرینی تقدیم ائدیر:

دلی کونلوم فلک چرخی دولانیر .
حسرت گونوم آرتیر سالباسال اولور.
بیر زامان آییلیر باشیم دوماندان .
بیر زامان باشیمدا قالما قال اولور.

بیر زامان وار الیم دولو کئفیم ساز.
بیر گون چوخ تاپیرام بیر زاماندا آز.
بیر گونوم قیش اولار بیر گونومده یاز .
دییشیر احوالیم حال با حال اولور .

بیر زامان عابیدم خالیقه بنده .
بیر زامان جاییرام یولو گئدنده
هردن کی یادیما اؤلوم دوشنده.
قووزانیر قیامت چال ها چال اولور .

کاتب اوغلو گئدیر کاروان دایانماز
عارف اینسان دونیا نارینا یانماز .
قوجالیق چاغیندان کیمسه قاچانماز.
یاز ایله زیمستان دال با دال اولور .