Kult.az گونئی‌لی شاعر حبیب ساهیراین شعرینی تقدیم ائدیر:

ساری گوللر آچیلان واخت ،گونش پارلامادان،
داغ یولوندان بیری آهسته گلردی مئشه یه،
ساری بیر قیز !ساری گولدن داهارنگین ،دیلبر ،
تشنه بیر قوش کیمی نازیله گیرردی دره یه ...
گؤرموسن می سولار اوسته نئجه بیر گول بوداغی ،
ساللانیرکن داغیدار سایه ی ناز ؟
گؤرموسن می سحرین پرده ی عشقینده دوغان ،
ساری بیر گول نئجه گوللرله ائدر راز و نیاز ؟

ساریشین قیز ساری گولدن داها رنگین ،رعنا
داغیداردی سویا گول رنگلی گیسولارینی ...
قصه ی شووقونو سؤیلرکن ،همن عاشیقینه،
پاک ائدردی او توتن گول ،یاناغیندان ترینی ...
بیر سحر آچمادی آرتیق ساری گوللر باغدا،
داغ یولوندان مئشه یه گلمه دی جانان یالنیز ،
کؤلگه لر تک داغی گزدیم ،دره لرده اریدیم ،
گؤرمه دیم یاریما بنزر اوبادا بیر ساری قیز ...