Kult.az گونئی‌لی شاعر حبیب ساسانیانین "مستانه - مستانه" آدلی شعرینی تقدیم ائدیر:

کئف احوالێم سازدێر بو گۆن، مستانه -مستانه

میخانه چی دوْلدور ایچک، پیمانه -پیمانه.

منله دوْلان، باغ باغچانێ دیوانه - دیوانه

یوم گؤزلَرین، گۆلشندَه دۆش، شاهانه - شاهانه.

توت اَللریمدن آی گؤزَل، عشقینده جانانه

گیر قوْینوما، نازیله سن، ریحانه - ریحانه.

عقلیم سنی گؤرجک دئدی؛ سئو بو گؤزَل گؤز دیلبری

سئودیم، اونوتدون سن منی، بیگانه - بیگانه.

شوریله عشقین جامێنێ دوْلدور ایچک، سرخوش اولاق

دۆنیا غمین باشدان آتاق، پیمانه - پیمانه.

هر گۆلشنین وار اؤز گۆلۆ، سن گۆلسیتانێن بۆلبۆلۆ

عشقین منی ائتمیش دَلی، دیوانه - دیوانه.

آغلێر فراقێندا (حبیب) قان گؤزلریندَن داشلانێر

گَل قوْیما یوْلدا گؤزلَرین بیگانه - بیگانه.