حیدر علیئو فوندونون ویتسه-پرزیدنتی لئیلا علیئوا «یئنه ده تنهالیق» آدلی شعیرینی اینستاگرام صحیفه‌سین‌ده ایزلییجیلری ایله پایلاشیب.

آخار. آذ سؤزوگئدن شعیری تقدیم ائدیر:

باشیم اوسته گؤی اوزو یئنه اریییب ایتیر

ملکلر ده گیزلنیب بیر آنلیغا، بو نه غم؟!

شادلیق ایله دولو ائو-هردن بو ائو اؤزگه‌دیر،

ائوین ایوانی ایسه سؤز وئریر: من سنینه‌م.

کؤلگه‌لرینی قوشلار تئزلیکله سویوناجاق

زیل قارانلیق گئجه‌ده بیز گؤرمریک اونلاری.

دنیزلر آرخاسین‌دا، ای دوست، منه آجیما

تنهالیغیم گلیر تا بئشیکدن منه ساری.

بو میلچک ده هی اوچور بیرجه آن یورولماییب

اویناماغا صبریم یوخ، آلیب‌دیلار صبریمی.

بلکه منیم اول‌دن اویون آرزوم اولماییب

عینن سؤز-صحبتلردن قاچماق آرزوسو کیمی.

منیمکی بو حیاتی یازماقدیر اولدوغو تک

او، گلمکله گئتمییم آراسیندا بیر آهدیر

اؤنجه‌دن تالعی‌می دویور سینه‌م‌ده اورک

اما هئچ کیم دئمه‌سین گیزلین دویماق گوناهدیر.

***

اما بیزدن یوخاری − گؤیلرین مین بیر قاتی

اؤلچوله‌ن، اؤلچولمه‌یه‌ن مؤوجوددور، حاق‌لی‌دیر.

زامان‌سیزلیق ایچین‌ده سورما من‌دن ساعتی

یعنی، «ساعت نئچه‌دی؟» بو قدر ماراق‌لی‌دیر؟!

بیزه گؤزلردن گلیب اؤنجه گؤرلوک قیسمتی

باخ، یئنه باش-باشاییق - من و تالع وطنیم.

بیلیرم، منی هئچ کس، اونوتماسا دا قطعی

یئنه ده وفالی بیر تنهالیغیم وار منیم.

ترجومه: کمال عبدوللایئو