Kult.az سعدی شیرازینین" ای ساربان آهسته گئت" آدلی غزلینی آذربایجان دیلینده ترجمه ایله تقدیم ائدیر:

ای ســاربان آهــسـتـه گـئـت ، آرام جـانـیم دیر گـئـدن

آلمیش چکیـر یـار کـؤنـلـومـو ، کـؤنلو آلانیم دیرگـئـدن

هیجران عــذابی بیر طــرف ، بیر یاندان آغـری خسته لیک

ســانکی سوموکده سانجیلان ، سانجـار تیکانیم دیر گئدن

جهد ائتدیم هیجـران یـاره سـیـن ، گیزلندیـرم افسـون ایلـه

گؤردوم دا اولماز گیزله لی ، کؤکسومده قانیم دیر گـئـدن

سـاخــلا یــورولــدو کـاروان ، ائـتمـه جـفـا ای سـاروان

او سرو بـوی یـار عـشـقـیـنـه ، گویی روانـیـم دیـر گـئـدن

تک لیک آغین دادماقدا من ، وزموش اَتَک مندن گئدیر

سـورمـا داهـا منـدن نیـشـان ، دئلـدن نیشانیم دیر گـئـدن

مندن دؤنوب سرکش یاریم ، ناخوش اونون عشقینده من

اولموش اوجاق اودلان دولو ، باشدان دوخانیم دیر گئـدن

سایسیـز بئدادی لــه اونـون ، اولمـوشسـادا ایلقــاری بوش

کـؤنـلـومـده وار یـادی یئنه ، یا دیلده سانیم دیر گـئـدن

اگلش گؤزوم اوستـه قایـیـت ، ای کؤنلوم آلمیش نازنین

یئردن قوپان شیـوه ن سسـیـم ، گـؤیلـرده بانیم دیر گئدن

یـاتمام گئجه صبحه کیـمـی ، آلـمام اؤیود بیر کیمسـه دن

نـه قـاصـیـدم یـولـدا گـئـدن ، الدن عـئـنانیم دیـر گئدن

بیر ایسته دیم زار آغـلایام ، زیغــدا چؤکوب قالسین ده وه

دیل یوخدو گؤردوم آغـلایام ، دیلدن بـیانیم دیـر گـئـدن

یار وصلینه صبـر ائـیـلـه مک ، هم ده قـایـیـتـماق یاردان

نئیلیم ایشیــم اولماز سادا ، ایشـدن هــر آنیم دیر گئدن

جانین بدن دن چیخماغا ، سؤزجورله یـیـر هر بـیر گه لن

گؤزلرده راز اولموش عیان ، جیسمیـنده جانیم دیر گـئدن

لاییق دئییل کـی «سعدی» یـه ، ای بی وفا ائدمک فغان

یوخ طاقتیم هئـچ جـوورونـا ، ایـشدن فـغانیم دیر گئدن

Kult.az مشهور آذربایجان‌لی خانه‌ن‌ده تئیمور موستافایئوین ایفاسین‌دا بو قزه‌لی تقدیم ائدیر: