کولت. آز گونئی آذربایجان‌لی شاعر یاقوب نیکزادین شعرینی تقدیم ائدیر:

کؤچن دورنالارلا ایسلانیر گؤزوم
منه بولودلار دا بیر گون آغلامیر
گولومسه یه بیلمیر دیلیمده سؤزوم
قولونو بوینوما کیمسه باغلامیر

ائله بورونموشم پاییز الینه
گؤزومدن دوشوبدو یاز یاراشیغی
ائله قارغانمیشام بولود تئلینه
گونش قیزیرغانیر منه ایشیغی

سن ، بو گؤزللییی کیمدن آلیبسان
آپار اؤزگه پای ین اؤزونه قایتار !
یوبانما دور گؤتور میننتسیز بو آن
گولوشونه قایتار، گؤزونه قایتار !

بیر کیشی اوره یین قلمه تؤکدو
بیر قادین شئعیردن آسیلی قالدی
او گلدی سسینی دفتره اکدی
بو گئتدی دونیادان کوسولو قالدی

گئدیشی گؤزومده قابار چالیب دی
الیمدن قورتاریب قاچان سئوگی نین
گؤزلریم الیندن قانا قالیب دی
سن نیه یوخومدا یاتا بیلمه دین؟.