کولت.آذ واقیف نصیبین "صفوی بوتاسی" آدلی حکایه‌سینین ایکینجی حیسه‌نی تقدیم ائدیر:

باباسی گونلرین بیر گونو سئویم‌لی نوه‌سینین شکیل چکدیینین، گونلرین باشقاسین‌داسا شئیر یازدیغینین شاهی‌دی اولموش‌دو. رسم صنعتینه اوشاغین ایلک همله‌سی یازاغزی لاله‌لی بیر چمه‌ن‌دن دؤندوکلری زامان باش وئرمیش‌دی. ائله ایلک دفعه‌ده باهارواری جوشقون هیسسلری لاله "بیتیره" بیلمیش‌دی. شئیری ده (یعنی هله‌لیک بیر-بیرینه اویوشمایان میصراعلاری دا قونشوداکی اؤزون‌دن بیر-ایکی بایرام بؤیوک قیزا باخدیق‌دان سونرا همین صنعتین ساپینا دوزولمک ایستمیش‌دی. اوشاغین هر ایکی تشببوسو ماویگؤی قوببه‌سی آلتین‌دا ساچ-ساققال آغارتمیش شئیخین اوریینجه اولموش‌دو. نوه‌سینین هیسسلرینین آتلاندیغینا سئوینمیش، اونلارین گئج-تئز شاهه قالخاجاغینا اینانمیش‌دی. شئیخ جونئی‌ده گؤره، مهببت اینسانلا برابر دوغولور. بونو الله-تاالا طرفین‌دن وئریلمیش مقدس امانت ده حساب ائتمک اولار. اونون قدرینی بیله‌نلر، جیسیملرین‌ده ایلاهی وارلیق کیمی بؤیوتمیی باجارانلار، زیروه‌لری فتح ائده بیلرلر.

...گونلرین باشقا بیر گونون‌ده‌سه آتاسی شئیخ حیدر اوغلونون اوخشارسیز بیر طرفینی گؤره بیل‌دی. او، اطرافین‌دا گؤردوکلرینه اؤز آغلی و تفککورو ایله یئنی آد وئرمه‌یه چالیشیردی. باغچالارین‌داکی چئشمه اطرافین‌داکی سؤیود و اوندان آزجا آرالی‌داکی قیزیلسیناب آلما آغاجی آراسین‌دا دایانمیش ایسماییل آتاسینین گؤزلمدیی کلمه‌لری اونا توشلایاسی اولموش‌دو:

- آتا، بونلارین هر ایکی‌سینه نیه آغاج سؤیلییرلر.

بس، باشقا نه آد وئریله بیلر؟

- منجه، مئیوه‌لره، بهره‌سی ییغیلانلارا ییغاج، سؤیود کیمیلرینه آغاج سؤیله‌مک اولار.

- اوندا اؤزون دده قورقود سوییه‌سینه چاتان‌دا اؤز میدانینی آچارسان، آیرانا دویران، گلینه آیران کیمی یئنی دئییملرینی یارادارسان. خالقین دیلینه، آغلینا یاتیرا بیل‌سه‌ن، دؤنوب دده ایسماییل اولارسان.

همیشه اللری زرلی اباسی آلت‌دا گیزلنه‌ن شئیخ حیدر بو دفعه اونلارین بیریله اوغلونون باشینی سیغاللایاسی اولموش‌دو. ایسماییلا ائله گلمیش‌دی کی، آتاسینین علی هر دفعه وارلیغین‌دان قیلینج کیمی سییریلیر... بوتون بونلار، بلکه ده، وارلیغین‌داکی دؤیوکه‌ن روح‌دان گلیردی. اؤز اقی‌ده‌سی اوغرون‌دا ووروشماغا، همین اوغوردا شهید اولماغا ایللر بویو هازیرلاشدیغین‌دان اؤزو-اؤزون‌دن خبرسیز قیزیلباش قیلینجینا، وارلیغی دا اونون قینینا چئوریلمیش‌دی.

ایلک قیزیلباش جنگاوری، اصلین‌ده ایسماییلین باباسی شئیخ جونئیید ایدی. بلکه ده، اوغلونو بیر تک او شان‌لی اقی‌ده‌لرینین ایتی قیلینجی کیمی گؤره بیلیر، بئله اؤولاد یئتیردیینه گؤره قورورلانیردی. و اونو باشلارینا توپلایا بیله‌جکلری قیزیلباش اوردوسونا اؤرنک حساب ائدیردی.