کولت. آb ثریا سیمزاری​ینین "داها گؤزلرین‌دن دوچمک ایستردیم" آدلی حکایه‌سینی تقدیم ائدیر:

ﯾﺌﺮﯾﻢ ﭼﻮخ دارﯾﺴﻘﺎل ایدی. ﯾﺎن-ﯾﺆرهﻣﯽ اوﯾﺎن ﺑﻮﯾﺎن اﺋﺘﻤﻪﻟﯾﺪﯾﻢ. ﺑﯿﺮ ﮐﯿﻤﺴﻪﻧﯽ اوﯾﺎﻧﺎ اﯾﺘﻪﻟﻪدﯾﻢ، ﺑﯿﺮیسینی ﺑﻮ ﯾﺎﻧﺎ ﺑﺎﺳﺪاﻻدﯾﻢ، ﺑﯿﺮﯾﺴﯽنین ﻗﻮﻟﺘﻮﻏﻮﻧﻮن آراﺳﯿﻨﺪان ﺑﺎﺷﯿﻤﯽ ﻗﺎﻟﺪﯾﺮاﻧﺪا ﺳﯿﺨﯿﻨﺘﯽدان ﮔﺆزﻟﺮﯾﻢ ﺳﯿﭽﺮاﯾﯿﺐ آﯾﺎﻏﯿﻤﯿﻦ آﻟﺘﯿﻨﺎ دوﺷﺪو. دوﻧﻮق ﮔﺆزﻟﺮﯾﻢ آﻏﻼﻣﺎق اﯾﺴﺘﻪﯾﯿﺮدی. او ﺗﻪﻟﯿﺴﯿﻦ دﯾﺒﯿﻨﺪه ﭼﻮروﯾﻦ ﯾﺌﺮآﻟﻤﺎﯾﺎ بنزه ر اﯾﻨﺴﺎﻧﺎ. او ﭼﻮخ زاﻣﺎﻧﻼر اﯾﺪی اوردا ﻗﺎﻟﻤﯿﺸﺪی. اﯾﮑﯽ آﯾﺎق ﺑﻮﯾﻨﻮﻣﺪان آﺳﻼﻧﯿﺮدی، ﺑﺎﺷﯿﻨﯽ ﺑﯿﻠﻤﯿﺮدﯾﻢ ﻫﺎرا ﺳﺎﻟﻼﯾﯿﺐ. ﺳﺎﻧﮑﯽ اﯾﻨﺴﺎن ﺗﺎﯾﺎﺳﯽ ﻗﻮرﻣﻮﺷﺪوﻻر اوردا. او آرادا ﻣﻦ اؤزوﻣﻪ ﻓﺮﺣﻠﻪﻧﯿﺮدﯾﻢ. اؤزوﻣﻮ ﺑﺎﺷﻘﺎ ﺑﯿﺮ اﯾﻨﺴﺎن ﮔﺆروردوم. ﻗﻮﻻﻗﻼرﯾﻤﺪا داﻟﻐﺎﻻﻧﺎن ﺳﻤﻔﻮنی یه ﻫﺎمی دان ﭼﻮخ اوره ک ﺑﺎﻏﻼﻣﯿﺸﺪﯾﻢ. اوردا ﺑﺎﺷﻘﺎ ﯾﺎﺳﺎﻻرﻻ ﯾﺎﺷﺎﯾﯿﺮدﯾﻖ. اﮐﺴﯿﮋن ﺑﯿﺘﺴﻪﯾﺪی، ﺑﯿﺮﺑﯿﺮﯾﻤﯿﺰﯾﻦ ﻧﻔﺴﯿﻨﯽ اوﻏﻮرﻻﯾﺎﺟﺎﻗﺪﯾﻖ. اوردا ﺳﻮن ﻧﻔﺴﻪ ﻗﺎﻻن اؤدوﻟﻪ ﭼﺎﺗﺎﺟﺎﻗﺪی. ﻗﺎﻟﺴﺎﯾﺪﯾﻢ ﻗﻤﺎری اوداﺟﺎﻗﺪﯾﻢ. آﻣﻤﺎ داﻫﺎ اﯾﻨﺠﯿﺪﯾﻢ ﯾﺎﺷﺎﯾﯿﺶ اوﻏﻮرﻟﻮﻏﻮﻧﺪان. اﯾﻨﺴﺎﻧﻼرﯾﻦ چیینینه آﯾﺎق ﻗﻮﯾﺪوم. اﯾﻨﺴﺎﻧﻼر ﭘﯿﻠﻠﻪﮐﺎﻧﯽ اؤﻧﻮﻣﺪه، ﺳﺌﻮﯾﻨﯿﺮدﯾﻠﺮ ﮔﺌﺪﯾﺸﯿﻤﺪن. ﺑﯿﻠﻤﯿﺮدﯾﻠﺮ ﻣﻦ ﺑﻮ ﺑﺮاﺑﺮﻟﯿﯿﯿﻦ اﯾﻠﻐﯿﻤﯿﻨﯽ دوﯾﻤﻮﺷﺎم. ﺗﺎﯾﺎﻧﯽ ﺑﺎﺷﺎ ووردوم. ﺳﺌﻮﮔﯿﻤﯿﻦ ﮔﺆزﻟﺮﯾﻨﻪ ﯾﺌﺘﯿﺸﺪﯾﻢ. ﺑﻮ ﺑﺮاﺑﺮﻟﯿﮏ ﯾﺌﻨﯽدن ﯾﺎﻻﻧﻼﻧﺪی. ﺗﺮاژﺋﺪی یه ﭼﺌﻮرﯾﻠﺪی. اﯾﻨﺎﻧﻤﺎﻏﺎ اﯾﻨﺠﺎرﯾﻢ ﯾﻮخ اﯾﺪی. او ﻣﻨﯿﻢ ﺑﯿﺮﯾﻨﺠﯽ ﺳﺌﻮﮔﯿﻢ و ﻣﻦ اوﻧﻮن اون ﺑﯿﺮﯾﻨﺠﯽ ﺳﺌﻮﮔﯿﺴﯽﯾﺪﯾﻢ ... داﻫﺎ ﮔﺆزﻟﺮﯾﻨﺪن دوﺷﻤﮏ اﯾﺴﺘﺮدﯾﻢ.